हट सुरजनीको बोल्ड अवतार (फोटोफिचर)
‘हट एण्ड बोल्ड’ अभिनेत्रीको रुपमा चिनिएकी सुरजनी केसी केही दिन यता आफ्नो चौथो चलचित्र ‘पसिना’ को प्रचारमा व्यस्त छिन् । बैशाख २७ गतेबाट देशभर प्रदर्शनमा आउने यस चलचित्रमा उनको भूमिका सहायक अभिनेत्रीको छ । लिड हिरोइनमा अनु शाह छिन् । गौरव पहारी लिड हिरोको रुपमा छन् ।
चलचित्रलाई आर.बि. खत्री ‘शरद’ ले निर्देशन गरेका हुन् भने यसको निर्माता शान्ता ढकाल हुन् र कार्यकारी निर्माता सञ्जय महत्तो हुन् ।
यसअघि ‘सपना तिम्रो मेरो’, ‘सुन्तलीलाई भगाई लग्यो झिल्केले’ जस्ता चलचित्रमा काम गरिसके पनि सुरजनीको यात्रा भने सन्तोषजनक देखिएन । किनकि, उनका अघिल्ला कुनै फिल्म चलेनन् । न त उनको अभिनयकै प्रशंसा भयो ।
‘पसिना’ बक्सअफिसमा सफल भए उनलाई पनि ठूलो राहत मिल्ने देखिन्छ । यस फिल्ममा उनले एक साधारण युवतीको भूमिका निभाएकी छन् । फिल्मको सार्वजनिक ट्रेलरमा उनलाई कुर्था सुरवाल लगाएकी एक सिम्पल युवतीको रुपमा देख्न सकिन्छ । तर, हालै उनले स्टुडियो क्रेज नेपालमा पुगेर यस फिल्मका लागि हट एण्ड बोल्ड फोटोसुट गराएकी छन् ।
