४० जना यात्रु सवार बस दुर्घटनाग्रस्त : १२ जनाको मृत्यु, २६ जना गम्भीर घाइते !
अचानक बस दुर्घटना भएको छ । ४० जना यात्रु सवार बस दुर्घटनामा परेको जनाइएको छ ।
भारतको पठानकोटबाट डलहौजी गइरहेको निजी बस नैनीखड़ नजिकै पंजपुलामा करीब २५० फिट गहिरो खोल्सामा परेको छ ।
यो दुर्घटनामा कम्तीमा १२ जनाको ज्यान गएको छ भने २६ जना गम्भीर घाइते भएका छन् ।
घाइतेहरुमा केहीको अवस्था गम्भीर भएको जनाइएको छ । दुर्घटना भएको खबर पछि प्रहरी र सेनाको मद्धतमा उद्धार कार्य सम्पन्न गरिएको छ ।
दुर्घटनामा ७ जनाको घटनास्थलमा मृत्यु भएको हो भने अन्य पाँच जनाको डलहौजी र बनीखेत अस्पतालमा उपचारको क्रममा मृत्यु भएको छ ।
एसपी चबा डा.मोनिकाका अनुसार अध्यारो भएको कारण उद्धार कार्यमा केही असहजता उत्पन्न भएको थियो ।
घाइतेहरुको स्थानीय अस्पतालमा उपचार भइरहेको छ । बस हिजो बेलुका ७ बजेतिर दुर्घटनामा भएको हो ।
मुख्यमन्त्री जयराम ठाकुरले घटनाबारे दुःख व्यक्त गर्दै उद्धार कार्यमा कुनै प्रकारको कमी हुन नदिन सम्बन्धीत निकायलाई निर्देशन दिएको जनाउनु भएको छ ।
