सुर्खेत, रसुवा र भोजपुरमा भीषण आगलागी
सुर्खेत, रसुवा र भोजपुरमा भएका छुट्टाछुट्टै आगलागीबाट करिब ९१ लाख ७३ हजार रुपैयाँ बराबरको धनमाल जलेर नष्ट भएको छ ।
सुर्खेत, लेकबेशी नगरपालिका-७ मैनापोखरी बस्ने ७६ वर्षीय मन बहादुर सुनारको घरमा नास्ता पकाउने क्रममा बिहीबार दिउसो आगलागी हुँदा घर जलेर करिब २ लाख ४८ हजार रुपैयाँ बराबरको धनमाल नष्ट भएको छ ।
रसुवा, नौकुण्ड गाउँपालिका-१ थाङदोर बस्ने लक्ष्मण लामा नेकोरको घरमा करेन्ट सर्ट भई बिहीबार दिउसो आगलागी भई उक्त आगो सोही ठाउँस्थित ५ वटा घरमा समेत फैलिँदा करिब ८६ लाख ५० हजार रुपैयाँ बराबरको धनमाल जलेर नष्ट भएको छ ।
भोजपुर, हतुवागढी गाउँपालिका-५ नागथान बस्ने नर बहादुर तामाङको घरमा चुल्होबाट बिहीबार साँझ आगलागी हुँदा घर जलेर करिब २ लाख ७५ हजार रुपैयाँ बराबरको धनमाल नष्ट भएको छ । स्थानिय बासिन्दा र नेपाली सेनाको सहयोगमा प्रहरीले आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
