समाचार ‘हिम्मतवाली’ का नायक सुदर्शन गौतमविरुद्ध रेड नोटिस जारी
‘हिम्मतवाली’ चलचित्रका नायक सुदर्शन गौतमविरुद्ध प्रहरीले रेड नोटिस जारी गरेको छ ।
मानव बेचविखन मुद्दामा उनीविरुद्ध रेड नोटिस जारी भएको प्रहरी प्रधान कार्यालयको भनाइ छ ।
गौतमविरुद्ध नेपालबाट विभिन्न देश हुँदै अमेरिकामा मानवतस्करी गरेको अभियोग छ ।
८ महिनाको प्रक्रियापछि गौतमविरुद्ध रेड नोटिस जारी भएको प्रहरीकाे इन्टरपोल शाखा प्रमुख एसएसपी उमेशराज जाेशीले जानकारी दिए ।
रामेछापका गौतम हाल नेपाली नागरिकता त्यागेर क्यानडामा बस्दै आएको प्रहरीको भनाइ छ । यसअघि इन्टरपोलले ३१ जना नेपालीविरुद्ध रेड नोटिस जारी गरेको थियो । इन्टरपोलको सदस्यमा हाल १ सय ९२ राष्ट्र छन् ।
