बालबाल बचे राहुल गान्धी, पटनाका लागि उडेको विमान दिल्ली फिर्ता (भिडियो)
भारतीय राष्ट्रिय काँग्रेसका अध्यक्ष राहुल गान्धी शुक्रबार ठूलो दुर्घटनाबाट जोगिएका छन्। एक चुनावी सभालाई सम्बोधन गर्न दिल्लीबाट पटनाका लागि जाँदैगर्दा उनी चढेको विमान आकाशमा उडिरहेका बेला एक्कासी खराब भएको गान्धी स्वयमले ट्वीटरमा एक भिडियो पोस्ट गरेर जानकारी दिएका छन्। विमानमा एक्कासी खराबी आएपछि पाइलटले सो विमान दिल्ली फिर्ता गरेको भारतीय सञ्चार माध्यहरुले जनाएका छन्।
भिडियोमा विमान अस्वभाविक ढंगले हल्लिएको र राहुल गान्धी सेता कुर्ता पाइजामामा रहेको देखिएको छ। यही बीचमा विमान दिल्लीतर्फ फिर्ता गरिएको आवाज सुनिन्छ । गान्धी शुक्रबार बिहारको पटना, ओडिशा र महाराष्ट्र लगायतका चुनावी सभामा सम्बोधन गर्ने कार्यक्रम रहेको थियो। गान्धीले विमानमा आएको खराबी कारण चुनावी सभामा पुग्न नसेकोमा माफीसमेत मागेका छन्।
यसअघि पनि राहुल गान्धी एक ठूलो विमान दुर्घटनाबाट जोगिएका थिए। दक्षिण भारतको तमिल नाडुबाट दिल्ली फर्किने क्रममा उनी चढेको विमानको उचाई एक्कासी घटेर पहाडमा ठोक्किनै लाग्दा पाइलटले जोगाएका थिए। सो घटना गान्धी आफैले खुलासा गरेका थिए। सो घटना पछि गान्धीले नेपाल हुँदै मानसरोबर पुगेर तिर्थाटन पनि गरेका थिए।
Engine trouble on our flight to Patna today! We’ve been forced to return to Delhi. Today’s meetings in Samastipur (Bihar), Balasore (Orissa) & Sangamner (Maharashta) will run late. Apologies for the inconvenience. pic.twitter.com/jfLLjYAgcO
— Rahul Gandhi (@RahulGandhi) April 26, 2019
