ट्विंकल खन्ना बारे मोदीले यसो भने, बोल्नै सकेनन् अक्षय
प्रधानमन्त्री नरेन्द्र मोदीसँग बलिउड अभिनेता अक्षय कुमारले एक घण्टा लामो अन्तरवार्ता लिएका छन् ।
उक्त अन्तरवार्तामा मोदीका नीजि जीवन बारे कुराकानी गरिएको छ ।
अन्तरवार्तामा मोदीले विभिन्न रोचक किस्सा सार्वजनिक गरेका छन् ।
अन्तरवार्ताको क्रममा सोधिएको एक प्रश्नको जवाफमा मोदीले ट्वीटरमा ट्विंकल खन्नाको पोष्ट हेर्ने गरेको जानकारी दिँदै भनेका छन्ः
‘म सोसल मिडिया पक्कै पनि हेरिरहन्छु । यसमार्फत् बाहिर के चलिरहेको छ, त्यसबारे मलाई थाहा हुन्छ ।
म तपाईंको र ट्विंकल खन्ना जीको पनि ट्वीटर हेर्छु । र कहिलेकाँही यस्तो लाग्छ कि उनले ममाथि जति रिस पोख्छिन्, त्यो हेर्दा यस्तो लाग्छ कि तपाईंको परिवारिक जीवनमा निकै शान्ति छ होला ।
उनको सबै रिस ममाथि नै पोखिने भएकाले तपाईंलाई आराम र शान्ति मिल्छ होला ।’
मोदीले जब ट्विंकल खन्नाबारे बोलिरहेका थिए, त्यतिबेला अक्षय कुमारले केही पनि बोलेनन् । उनी हाँसीमात्र रहे ।
टिवंकल धेरैजसो सोसल मिडियामा सरकारको आलोचना गर्दै पोष्ट गरिरहन्छिन् । एक पटक ट्विंकलले ‘अच्छे दिन’ माथि एक आर्टिकल शेयर गर्दै लेखेकी थिइन्, ‘अच्छे दिनको नाममा हामी हरेक दिन भारतीय मूर्ख दिवस मनाउँछौं ।’
