दुई छोरीका पिता रामपालले प्रेमिका गर्भवती भएपछि यसरी साटे खुसी
बलिउड नायक अर्जुन रामपालकी प्रेमिका गर्भवती छिन् ।
प्रेमिका ग्याब्रिएला डेमेत्रियाड्स गर्भवती भएको कुरा अर्जुन रामपालले इन्स्टाग्राममार्फत् जानकारी दिएका छन् ।
उनले इन्स्टाग्राममा लेखेका छन्, ‘तिमीलाई आफ्नो जीवनमा पाउँदा र नयाँ सुरुवातका लागि धन्य छु । यो बेबीका लागि धन्यवाद बेबी ।’
उक्त फोटोमा ग्याब्रिएलालाई भुँइमा बसिरहेको देख्न सकिन्छ । यसमा उनी गर्भवती भएको स्पष्ट देख्न सकिन्छ ।
यस्तै, अर्जुन रामपाल सोफामा बसेर प्रेमिकाको अगाडि झुकिरहेका छन् ।
अर्जुन रामपालले पूर्वमिस वल्र्ड तथा भारतिय सुपर मोडल मेहर जेसियासंग २० वर्षे लामो वैवाहिक सम्बन्ध अन्त्य गरेका थिए । उनका पुर्वपत्नीबाट दुई छोरी छन् ।
अर्जुनले मात्र नभई ग्याब्रिएलाले पनि आफू गर्भवती भएको सार्वजनिक गर्न त्यही फोटो पोष्ट गरेकी छिन् । उनले लेखेकी छिन्, ‘तिमीहरु दुईजनासँग निकै आभारी छु । तिमीलाई भेट्न निकै आतुर पनि…’
