बस दुर्घटनामा ज्यान गुमाउने ५ जनाको परिचय खुल्यो ! (नामसहित)
आज बिहानै भएको बस दुर्घटनामा ५ जनाको ज्यान गएको छ । डडेल्धुरामा आज विहान भएको बस दुर्घटनामा ५ जनाको ज्यान गएको हो ।
प्रमुख जिल्ला अधिकारी मोहनराज जोशीका अनुसार दुर्घटनामा परी अन्दाजी बर्ष ४० का धनबहादुर घर्ती, र वर्ष २५ का नरेन्द्र गुरुधामी अनी विहार भारतका मोहमद नासिरको मृत्यु भएको जनाइएको छ ।
धन बहादुर र नगेन्द्र बझाङ जिल्लाका स्थानीय हुन् ।
त्यस्तै ज्यान गुमाउने दुई महिलाहरुमा बझाङ्गकै केदारस्युँ गाउँपालिकाकी अन्दाजी वर्ष ५५ की कल्सीदेवी बोहरा र सोही गाउँपालिकाकी अन्दाजी ३५ वर्षीया हरुली बोहरा रहेकी छन् ।
गम्भीर घाईते बझाङ्ग मस्टा गाउँपलिकाका विनोद थापा, भारत विहारका मनासिर, कैलालीको गोदावारी १० का रेशम चौधरी, बझाङ्गको थलारा गाउँपालिकाका धनबहादुर चौहानलाई थप उपचारका लागि धनगढी पठाइएको प्रमुख जिल्ला अधिकारी जोशीले जानकारी दिनुभयो ।
बस सडकबाट झण्डै २ सय मिटर तल खसेको थियो ।
