डडेल्धुरामा बस दुर्घटना, ७ जनाकाे मृत्यु २० भन्दा बढी घाइते
बुधबार बिहान डडेल्धुरामा बस दुर्घटना भएको छ । धनगढीबाट बझाङ जाँदै गरेको ना ६ ख १८३८ नम्बरको बस सडकबाट दुई सय मिटर तल खस्दा सातजनाको मृत्यु भएको छ भने २० बढी घाइते भएका छन् ।
घटनास्थलमा नेपाल प्रहरी, सशस्त्र प्रहरीको टोली पुगिसकेको र उद्धार कार्य सुरु भइसकेको जिल्ला प्रहरी कार्यालय डडेल्धुराले जनाएको छ ।
रसुवाको टिमुरेबाट स्याउ बोकेको गाडीमा ७ किलो सुन बरामद, १ जना पक्राउ
प्रहरीले रसुवाको टिमुरेबाट स्याउ बोकेको गाडीमा ७ किलो सुनसहित १ जनालाई पक्राउ गरेको छ ।
प्रहरीले पक्राउ पर्नेको नाम खुलाइएको छैन । चेकजाँचका क्रममा ना ६ ख ९०६८ नम्बरको कन्टेनर ट्रकमा सुन फेला परेको प्रहरीले जानकारी दिएकाे छ । पक्राउ परेकाे उक्त ट्रक भन्सार जाँच पास गरेर त्यहाँसम्म आएको थियो ।
