चर्चित बलिउड अभिनेता सनी देओल भारतीय जनता पार्टीमा सामेल
पछिल्लो समय भारतमा कलाकारहरु राजनीतिमा हाम फाल्ने क्रम बढ्न थालेको छ ।
यो बिचमा बलिउड अभिनेता सनी देओल भारतीय जनता पार्टी प्रवेश गरेका छन् । उनले केही समयअघि भाजपा अध्यक्ष अमित शाहलाई भेटेका थिए ।
उनी पंजाबस्थित गुर्दासपुरका भाजपा उम्मेद्वार हुनसक्ने अनुमान गरिएको छ । पार्टी प्रवेश कार्यक्रममा उनले भने, ‘जसरी मेरा बुवा यो परिवारका अटल बिहारी बाजपेयीसँग जोडिएका थिए, आज म यहाँ नरेन्द्र मोदीसँग जोडिन आएको छु ।
उनले देशका लागि धेरै कुरा गरेका छन् र म चाहन्छु कि अबको पाँच वर्ष पनि उनी नै सत्तामा रहून् किनभने हामी अघि बढ्न चाहन्छौं । हाम्रा देशका युवालाई मोदीजस्ता व्यक्तिको खाँचो छ ।’ उनले भने, ‘यो परिवारसँग जोडिएर जे जे गर्नसक्छु त्यो म सबै गर्नेछु, मनबाटै गर्नेछु । म कुरा गर्ने छैन, प्रत्येक समय काम गरेर देखाउनेछु ।’
