रिना बस्नेत हत्याकाण्डको बाहिरियो डरलाग्दो रुप,पथरीमा गोली चल्यो,सिसिटिभी फुटेजमा फेला पर्यो यस्तो चित्र

 

 

मोरङको पथरीमा स्थानीयवाशीले प्रहरी प्रसाशनमा ढुङ्गामुडा र नगरापालिकामा तोडफोड गरेपछि प्रहरीले दुई राउण्ड हवाई फायर गरेको छ ।

स्थितीलाई नियन्त्रण बाहिर गएपछि प्रहरीले हवाई फायर गरेको हो ।

अर्धनग्न अवस्थामा डेरा अगाडी मृत फेला परेकी रिना बस्नेतको हत्यारा पत्ता लगाउन दवाव दिदैं स्थानीयवाशीले आन्दोलन गरिरहेका छन् ।

आज पनि पथरी उद्योग बाणिज्य संघको नेतृत्वमा बजार बन्द गरिएको छ । व्यवसायी रिनाको हत्यारा पतालगाई कारवाहीको माग गर्दै व्यवसायीहरुले बजार बन्द गरेका हुन ।

शनिबार रहस्यमय तरिकाले मृत फेला परेकी रीना बस्नेतको घटना प्रकरणमा नयाँ तथ्य फेला परेको छ । मुख्य बजार क्षेत्रका पसलमा जोडिएका सीसी क्यामेराको फुटेज हेर्दा शङ्कास्पद दृश्य देखिएको छ ।

उक्त फुटेजमा नकाब लगाएका एक पुरुषले ठेला चलाएर दगुरेका छन् । ठेलामा बेरिएको वस्तु शङ्कास्पद देखिन्छ । ती पुरुषले पाइन्ट सुर्केका छन् । जुत्ता पनि लगाएको देखिन्छ । पुरुषको अघिअघि एक जना महिला हिँडेकी छिन् ।

त्यो दृश्य अधिकांश पसलको सीसी टीभी फुटेजमा देखिएको छ । तर प्रहरीले भने यस एङ्गलबाट अनुसन्धान नै गरेको छैन । फुटेजसहित्का घटनाको प्रकृति हेर्दा हत्या नै भएको भन्न सकिने स्थानीय बताउँछन् । मृतक बस्नेतको खुट्टामा आलो माटो पनि देखिएको हँुदा कोठामा लडेर ज्यान गएको भन्न कठिन भएको स्थानीयको भनाइ छ ।

पथरीशनिश्चरे त्रिवेणी चोक साझा लाइनमा डेरा वस्ने एसआरएस कस्मेटिक एण्ड गिफ्ट हाउसकी प्रोप्राइटर रीनाको रहस्यमय मृत्यु पछि उनका प्रेमी भनिएका कमल नेपाल हिजो साँझ पक्राउ परेका छन् ।

शुक्रवार राती पथरीको प्रस्तावित रंगशालामा सञ्चालन भएको कन्सर्ट हेरेर १४ वर्षीय छोरा साइमनसँग ११ बजे कोठा फर्किएकी वस्नेत शनिवार विहानै आफ्नै कोठा अगाडि बाटोमा निर्वस्त्र रुपमा मृत अवस्थामा फेला परेकी थिइन् । टाउकोमा चोट लागेको अवस्थामा घोप्टो परेको शव विहान स्थानीयले सडकमा देखेपछि प्रहरीलाई खवर गरेका थिए । शरीरमा कुनै लुगा नभएको अवस्थाको शवलाई स्थानीयले लुगाले ढाकिदिएका थिए ।

राती १२ बजेसम्म उनी कमल नेपालसँग फोनमा कुरा गरिरहेकी उनका छोराले बयान दिएका थिए । कल डिटेलमा पनि कमलसँग कुरा गरेको पाइए पछि इलाका प्रहरी कार्यालय पथरीले नेपाललाई सोधपुसका लागि नियन्त्रणमा लिएको इन्स्पेक्टर कमल बजगाईले जानकारी दिए ।
प्रहरीले हत्या नै भएको कुराको प्रमाण फेला नपरिसकेको बताए पनि स्थानीय तथा आफन्तले उनको नियोजित हत्या गरेको दावी गदैं हत्यारा पत्ता लगाएर कारवाही गर्न दवाव दिदैं सोमबार स्थानीयहरुले सडक जाम नै गरेका थिए ।

आज (मंगलबार) पनि पथरी उद्योग बाणिज्य संघको नेतृत्वमा बजार बन्द गरिएको छ । व्यवसायी रिनाको हत्यारा पतालगाई कारवाहीको माग गर्दै‌ व्यवसायीहरुले बजार बन्द गरेका छन् ।

इनरुवामा श्रीमतिले गरिन् श्रीमान्को हत्या

सुनसरीको इनरुवा नगरपालिका ७ स्थित चादबेलामा श्रीमतिले श्रीमानको हत्या गरेको घट्ना सार्वजनिक भएको छ । मुसहरी टोल बस्ने २६ वर्षका मुकेश ऋषिदेवको हत्या उनकै श्रीमती विमला ऋषिदेवले गरेको जिल्ला प्रहरी कार्यालय सुनसरीका प्रवक्ता डिएसपी ज्ञानेन्द्र प्रसाद फुयालले जानकारी दिए ।

घट्ना आइतबार रातीको भएको प्रहरीले जनाएको छ । सोमबार प्रहरीमा खवर आए पछि मृतलाई पोस्टमार्टमको लागि धरान ल्याइएको छ । आज उनको पोष्टमार्टम हुने प्रहरीले जनाएको छ ।

डिएसपी फुयालका अनुसार मृत मुकेशको टाउकोमा चोट लागेको छ । घाटीमा कपडा बेरिएको अवस्थामा शव फेला परेकोले थियो । श्रीमानको हत्यापछि मृतका श्रीमती विमला ५ वर्षीया छोरी र ३ वर्षीय छोरा लिएर फरार भएको प्रहरीले जनाएको छ । स्थानीयले श्रीमतीले नै हत्या गरेको बताउदैं आएका छन् । उनको खोजी भइरहेको प्रहरीले जनाएको छ ।