नेपालगञ्जमा भिषण आगलागी, करोडौंको धनमाल जलेर नष्ट !
नेपालगञ्ज उपमहानगरपालिका २ घरबारीटोलस्थित एक इलेक्ट्रोनिक्स पसल आगलागी हुँदा क्षति पुगेको छ ।
धुव्र दाहालले चलाउँदै आएको पसलमा गए राति आगलागी भएको हो ।
आगलागीका कारण धेरै सामान जलेत नष्ट भएको बाँकेका प्रहरी उपरीक्षक अरुण पौडेलले जानकारी दिनुभयो ।
विद्युत सर्ट भएर आगलागी भएको हुन सक्ने उहाँले जानकारी दिनुभयो ।
घटनास्थलमा पुगेका नेपालगञ्ज उद्योग वाणिज्य सङ्घका अध्यक्ष नन्दलाल वैश्यका अनुसार राति करिब ९ बजेदेखि सुरु भएको आगलागीबाट एक करोड बराबरको क्षति पुगेको अनुमान गर्नुभएको छ ।
पसल बन्द गरेर घर गएको बेला आगलागी भएको हो ।
दमकल, प्रहरी र स्थानीयवासीको सहयोगमा पसलमा लागेको आगो नियन्त्रणमा गरेकाले गोदाम सुरक्षित भएको स्थानीयवासी दत्तप्रसाद आचार्यले जानकारी दिनुभयो ।
