नायक विराज भट्टद्वारा प्राविधिक शंकर पाण्डेमाथि मुक्का प्रहार , रोकियो फिल्मको सुटिङ
फिल्मको कामलाई लिएर विवाद भएपछि अभिनेता बिराज भट्टले निर्माण नियन्त्रक शंकर पाण्डेलाई कुटपिट गरेका छन् ।
सोमबार राती साढे नौ बजे बानेश्वरस्थित बेकरी क्याफेमा चर्काचर्की भएको थियो ।
विराजले आफ्नै लगानीमा ‘साङ्लो’ फिल्म बनाउँदै थिए र छलफलका लागि प्रडक्सन कन्ट्रोलर पाण्डेलाई बोलाएका थिए ।
त्यही बेला पुगेका अर्का प्राविधिक केशव घिमिरे लगायतले दुबैजनालाई छुट्याए र पाण्डेलाई घरतर्फ पठाए ।
प्रत्यक्षदर्शी घिमिरेका अनुसार विराजले पाण्डेमाथि मुक्का वर्षाएका थिए भने, पाण्डेले कुर्सी उठाउने प्रयत्न गरे ।
निर्माता एवं अभिनेता हिरोले नै आफूलाई कुटेपछि निर्माण नियन्त्रक पाण्डेले फिल्म ‘साङ्लो’बाट आफूले काम छाडेको बताएका छन् ।
सुटिङ सुरु नहुँदै विवाद उत्पन्न भएपछि विराजले स्वप्न प्रोजेक्ट भनेको फिल्म ‘साङ्लो’ छायांकन तत्कालका लागि अनिश्चित बनेको छ ।
