नीता ढुंगानाको बलिउड फिल्मको ट्रेलर सार्वजनिक (भिडियो र फोटोसहित)

 

 

नेपाली अभिनेता आर्यन अधिकारी र अभिनेत्री नीता ढुंगानाको लिड रोल रहेको बलिउड फिल्म ‘कडके कमाल के’ को अफिसियल ट्रेलर सार्वजनिक भएको छ ।

भारतको प्रतिष्ठित म्यूजिक कम्पनी जि म्यूजिक कम्पनीको युट्युब च्यानलबाट सार्वजनिक भएको ट्रेलर कमेडीले भरिएको छ ।

फिल्ममा भारतीय र नेपाली कलाकारहरुको अभिनय छ ।

यसमा बलिउडका चर्चित कलाकार राजपाल यादवले आर्यनको मामाको भूमिका निभाएका छन् ।

यो फिल्मको अधिकांश छायांकन नेपालमा भएको हो । ट्रेलरमा अभिनेता आर्यनलाई कमेडी, एक्सन र रोमान्टिक अवतारमा देख्न सकिन्छ ।

अभिनेत्री नीताले भने ट्रेलरमा पर्याप्त ’स्क्रिन स्पेश’ पाएकी छैनन् । न त उनलाई कुनै संवाद नै दिइएको छ ।

ट्रेलर हेरौँ, अरु तस्बिर भने तल छन् ।

ट्रेलरभरी आर्यन र राजपाल छाएका छन् । मे २४ अर्थात् नेपाली मितिअनुसार जेठ १० गतेबाट यो फिल्म प्रदर्शनमा आउँदैछ । फिल्ममा भारतकी चर्चित कलाकार ऊषा नाडकर्णीको पनि अभिनय छ । एञ्जल श्रेष्ठ, दया शंकर पाण्डे, विजय पाटकर, राना जंग बहादुरलगायतका कलाकारहरुको पनि अभिनय रहेको फिल्मलाई लक्ष्मण सिंहले निर्देशन गरेका हुन् ।

ऐतवारी सिंह निर्माता रहेको फिल्ममा मुम्बईका निर्माता आशिष राजेको फिल्ममा लगानी छ । निर्देशक सिंह र भि.के. सिंहले यसको कथा तयार पारेका हुन् । रोचक कुरा त, आफ्नो पहिलो बलिउड फिल्मको ट्रेलर रिलिज हुँदा पनि अभिनेता आर्यन र अभिनेत्री नीतामा कुनै चासो देखिएको छैन । यतिसम्मकी ट्रेलर सामाजिक सञ्जालमा समेत सेयर गरेका छैनन् ।

नीता ढुंगानाः जहाँ पुग्छिन्, अवार्ड पाउँछिन्

नायिका नीता ढुंगानाले चलचित्र ‘पञ्चायत’मा गरेको अभिनयको सर्वत्र प्रशंसा भयो । नीताले यो चलचित्रमा १४ बर्षकी यूवतीको भूमिका निर्वाहा गरेकी छिन् । यसैले पनि नीता यो बर्ष आयोजना भएको अवार्डको मुख्य हकदार हुन् । तर, नायिका नीता ढुंगाना जुन अवार्ड समारोहमा पुगेकी छिन्, त्यहाँ उनले अवार्ड पाएकी नै छिन् ।

यो बर्ष आयोजना भएको पहिलो अवार्ड ‘एनएफडीसी राष्ट्रिय चलचित्र पुरस्कार’मा नीता पुगिनन्, अवार्ड पनि थापिनन् । यो बर्ष आयोजना भएको दोश्रो अवार्ड ‘डी सिने अवार्ड’को सुरुवातदेखि नै कार्यक्रममा पुगेर बसेकी नीताले अन्त्यमा अवार्ड थापिन् । उनले चलचित्र ‘पञ्चायत’बाट उत्कृष्ट नायिकाको अवार्ड थापेकी थिइन् । यो कार्यक्रममा पुग्ने नायिकाहरुमा नीता एक्ली थिइन् ।

‘सिनेमा सर्कल अवार्ड’मा पनि नायिका नीता ढुंगाना कार्यक्रमको सुरुवातमै पुगिन् र पुरा अवधी बसिन् । नोमिनेशनमा परेका ५ जना नायिकामा अवार्डमा पुग्ने नीता मात्र थिइन् । यसैले पनि नीताले अवार्ड पाउँछिन् भनेर अड्कल लगाउने सबै थिए । उनले अवार्ड पाइन् पनि ।
केही हप्ता अगाडि अमेरिकामा आयोजना भएको ‘नेम्पा पपुलर फिल्म अवार्ड’मा पनि नीता पुगेकी थिइन् । उनले अवार्ड जितिन् । नीता नपुगेको कार्यक्रममा उनले अवार्ड पाएकी छैनन्, पुगेको कार्यक्रममा पाएकी छिन् । आखिर, आयोजकले पहिले नै अवार्ड पाउँदै हुनुहुन्छ आउनुहोला भनेर बोलाउँछ कि नीता पुग्नु र अवार्ड पाउनु संयोग मात्र हो ?

नृत्य नगरी नीतालाई निद्रा नै पर्दैन

चलचित्र ‘करोडपति’मा अभिनय गरेपछि नायिका नीता ढुंगानालाई लाग्न थालेको छ कि केही चलचित्र असफल भयो भनेर निराश हुनुहुन्न । सफलता कुनै पनि बेला पाइन्छ ।

महत्वकांक्षी चलचित्र ‘फुलैफुलको मौसम तिमीलाई’ असफल भएपछि नीताको हातमा त्यति धेरै राम्रा चलचित्र आएनन् । तर, पनि पछिल्लो पटक चलचित्र ‘करोडपति’मा बलिउड कलाकार राजपाल यादबसँगै काम गर्ने अवसर उनले पाइन् । भन्छिन् ‘आफु क्षमतावान हुनुपर्छ । अवसर कुनै पनि बेला आउनसक्छ ।’

अचेल उनलाई अर्को पनि दिब्यज्ञान फुरेको छ कि आफूलाइ फिट एण्ड फाइन राख्नैपर्ने रहेछ । नृत्यमा रुची राख्ने निता एक्सरसाइज पनि राम्रै गर्थिन । एकताक उनी अल्छी भइन् । उनको वजन निकै बढ्यो ।

अहिले सचेत भएकी नीता नियमित जिम क्लब जान्छिन् । नृत्य नगरी उनलाई निन्द्रा लाग्दैन । भन्छिन् ‘मलाई हरेक दिन नृत्य नगरि त चित्त बुझ्दैन । कम्तिमा आधा घण्टा नाँचेकै हुन्छु ।’

सुटिङ नभएको बेला घरमै नाँच्ने गरेकी नीता सुटिङ भएको दिन भने एक्सरसाइज गर्न भ्याउदिनन् । कुनै बेला डान्स प्रशिक्षक समेत रहेकी नीता डान्स गरेपछि ज्यानमा फुर्ती आउने बताउँछिन् ।

फिल्म नचल्दा धेरै अस्तव्यस्त, नीता कसरी व्यस्त ?

नेपाली चलचित्रमा धेरै कलाकार यस्ता छन्, जसको हातमा चलचित्र नै छैन । एउटा चलचित्र नचलेपछि एकाएक असफल हुँदै धेरै कलाकार पलायन भए । हरेक बर्ष आउने दर्जन बढी कलाकार यस्तै असफलताको पीडामा रन्थनिकएका हुन्छन् ।

कतिपय कलाकार असफल हुँदा यो क्षेत्रबाटै हराएका छन् भने कतिपयलाई भने भाग्यले साथ दिइरहेको छ । यहि, भीडमा पर्छिन् नायिका नीता ढुंगाना । नीता ढुंगानाको चलचित्र चल्न छाडेको २ बर्ष भयो । उनलाई दर्शकले हलमा खासै रुचाएका छैनन् । तर, पनि नीतालाई लिएर निर्माताहरु चलचित्र भने बनाइरहेका छन् । गतबर्षको मात्रै कुरा गर्ने हो भने पनि नीताका ३ चलचित्र चलेनन् । ‘लेक साइड, पार्सल, निर्भय’ बक्स अफिसमा कमजोर देखिए ।

चलचित्र नचलेपनि नीता भने छायांकनमा व्यस्त भइन् । उनले चलचित्र ‘राजा’को छायांकन भ्याइन् । अहिले उनले नै अभिनय गरिरहेको चलचित्र ‘करोडपति’को धमाधम छायांकन भैरहेको छ । उनले, गतबर्ष नै चलचित्र ‘पञ्चायत’को पनि छायांकन भ्याइन् ।
नीताको २०७२ सालमा रिलिज भएको चलचित्र ‘फूलै फूलको मौसम तिमीलाई’ पनि असफल भएको थियो । यसरि, लगालग चलचित्र असफल हुँदा पनि नीता व्यस्त छिन् । ‘फूलै फूलको मौसम तिमीलाई’ असफल हुँदा पनि उनलाई केहि निर्माताले पत्याए ।

चलचित्र असफल भएपनि व्यस्तता नघटेकोमा नीता दंग हुने त भैहालिन् । तर, कोही चलचित्र नचल्दा अस्तव्यस्त हुने, नीता भने कसरि व्यस्त भैरहेकी छिन् ? के उनलाई पनि भाग्यले नै साथ दिएको हो त ?

नीतालाई प्रशंसाको भोक

अधिकांस कलाकारहरु सकेसम्म मिडियामा आफ्नो बारेमा नकारात्मक चर्चा नहोस नै भन्न चाहन्छन् । तर, एकहोरो प्रशंसाले मात्रै कलाकारको करिअर उकालो लाग्न सक्दैन ।

आफ्ना काम र क्रियाकलापमा प्रशंसा एवं आलोचना दुबै पचाउन सक्ने कलाकार नै उचाईमा पुगेका छन् । कलाकारका दुबै पाटो केलाउनु मिडियाको पनि जिम्मेवारी हो ।

नेपाली फिल्म उद्योगमा सफल नायिकाको पंक्तिमा आफ्नो नाम लेखाइ सकेकीछन् नीता ढुङ्गाले । भनिन्छ, भर्खरै आफ्नो सहयात्रामा ‘ब्रेक अप’ लागेपछि उनी झनै ‘स्ट्रोङ’ भएकिछन् । संजोग नै भन्नुपर्छ, राजनीतिक विषयबस्तुलाई उठान गरेको उनी अभिनित फिल्म यहीवेला प्रदर्शनक्रममा छ । ‘पञ्चायत’ नामको त्यही फिल्म हेर्न शीर्ष नेताहरु फिल्म हल पुगेपछि उनीसँग जोडिएर झनै ठूला–ठूला चर्चा भए । प्रस्तुत छ, उनै अभिनेत्री नीता ढुंगानासँग केन्द्रबिन्दु टिभीकालागी अदिती पौडेलले गरेको कुराकानी –
फिल्म ‘पञ्चायत’मा अभिनय गर्दा कस्तो अनुभव गर्नु भयो ?

– मैले यो फिल्ममा अभिनय गर्दा मभन्दा धेरै सानो उमेर भएकि युवतीको भूमिका निर्वाह गर्नु पर्यो । यसकालागी मानसिक तथा शारीरिक अवस्थालाई ठीक बनाउनु पर्दथ्यो । त्यसैगरी यो राजनीतिक विषयबस्तुमा बनेको फिल्म भएकाले पञ्चायतकालीन अवस्थाको वारेमा पनि मैले बुझ्ने मौका पाएँ । छुट्टै किसिमको अनुभव प्राप्त भयो मलाई, पञ्चायतवाट ।

तपाईंलाई फिल्म क्षेत्रमा छिटै नै आएको जस्तो लाग्दैन ?

– छिट्टै नै आएकी हुँ । १० बर्ष भयो । सायद यही कारण मलाई पुरानी नायिका भनेर बुझ्नेहरु पनि छन् । १५ बर्षको उमेरदेखि मैले नायिका भएर अभिनय गरेँ । बालकलाकारको रुपमा त अझ धेरै अघिदेखि नै आएँ । यसरी हेर्दा फिल्म क्षेत्रमा छिटै नै आएको भन्ने कुरा सत्यपनि हो ।

तपाईलाई ग्ल्यामरस भनेको के जस्तो लाग्छ ?
– ग्ल्यामरस हुन लुगा फुकालेर मात्र हुँदैन । त्यसका लागि व्यक्तिमा हुने आकर्षणको विषय प्रमुख हुन्छ । कसैको बोली नै ग्ल्यामरस हुन्छ । स्टेजमा बुरुक बुरुक उफ्रर्दैमा ग्ल्यामरस हुँदैन् त्यो त भल्गर हुन्छ । सुन्दर हुने उपाय हो, ग्ल्यामर ।

तपाईको सफलतामा बुवाआमाले के भन्नुहुन्छ ?

– मेरी आमा हुनुहुन्न् । चार वर्ष भयो । सुरुमा बुवाले कराउनु हुन्थ्यो । अहिले घरको सबै परिवार मसँग नै आश्रित हुनुहुन्छ । खुसी हुनुहुन्छ ।

‘बे्रक अफ’ भएपछि झन राम्री हुनुभएको छ नि ?

– हो । अरुले पनि भन्नु हुन्छ । मेरो अनुभवमा पनि ‘ब्रेक अप’ भएपछि अझै ‘स्ट्रङ’ हुँइँदो रहेछ । ‘ब्रेक अप’ भएपछि मानिस आफैमा बलियो हुन पुग्दो रहेछ । (हाँसो) सायद यही कारण सुन्दरता थपिएको हो कि ?

तर, नेपाली चलचित्रका केही कलाकारहरुमा आलोचना पचाउने क्षमता अति कमजोर छ । नकारात्मक समाचार आउँदा उनीहरु साँच्चै छटपटिन्छन् । एकहोरो प्रशंसाको पछि लाग्दा आफू कता चिप्लिएको छु भन्ने नै थाहा पाउँदैनन् । पछि, चिप्लिएर अर्कै कान्लामा पुगिसकेपछि मात्र आँखा खोलेर अर्थ पनि छैन ।

नायिका नीता ढुंगाना पनि प्रशंसाको खुबै भोको रहिछन् । उनले नकारात्मक समाचार सम्प्रेषण नगर्ने पत्रकारलाई सबैले माया गर्ने गरेको तर्क गरिन् । कलाकारका सकारात्मक समाचार मात्र सम्प्रेषण गर्ने पत्रकार आफ्ना लागि प्यारो हुने उनको प्रष्ट आशय छ ।

हुनत, कलाकार आफ्ना सबै सहकर्मी र पत्रकारसँग नजिक हुनुपर्छ भन्ने छैन । तर, दुबै थरीका समाचारलाई ग्रहण गर्न सक्ने हो भने नीताको मात्र होइन, धेरै कलाकारको करिअर उँभो लाग्ने थियो ।

फेसनका मामालामा नेपाली चलचित्रका नायिकाहरु परिवर्तित हुँदैछन् । सामान्य पहिरनमा रमाउने नायिकाहरु पनि अहिले बोल्ड पहिरनमा रमाउन थालेका छन् ।

नायिका ढुंगाना पनि अहिले बोल्ड पहिरनमा अग्रसर देखिएकी छिन् ।