नेपाल कम्युनिस्ट पार्टी स्थापना भएकै दिन एकता प्रक्रिया सकिने

 

पछिल्लो समय नेपाली राजनीति गम्भिर मोडमा पुगेको ब्याख्या हुने गरेको छ । नेपाल कम्युनिष्ट पार्टी (नेकपा) एकताको एक वर्ष हुन लाग्दासम्म पनि एकता पक्रिया पुरा हुन सकेको छैन । कतिपय स्थानीय तहमा एकता टुंगोमा पुगेको भएपनि धेरै तहमा एकता अन्यौलमा परेको बुझिएको छ ।

 

पार्टीमा शिर्ष नेताहरुको स्वार्थका कारण एकता सम्पन्न हुन नसकेको पार्टीकै नेताहरुको आरोप रहेको छ । यो बिचमा नेकपा अध्यक्षद्वय केपी शर्मा ओली र पुष्पकमल दाहालले वैशाख ९ अगावै एकता टुंग्याउने समझदारी गरेको खुल्न आएको छ । त्यसका लागि केही दिनभित्रै सचिवालय बैठक बोलाएर एकताको प्रस्ताव पेस गर्ने जनाइएको छ ।

 

जिल्ला र जनवर्गीय संगठनको एकता प्रक्रियामा विवाद मिल्न नसकेपछि सकसमा परेका अध्यक्षद्वय चन्द्रागिरिमा एकान्त छलफल गरी नेपाल कम्युनिस्ट पार्टी स्थापना भएको दिन (वैशाख ९ गते) एकताको सन्देश दिने गरी काम सक्ने समझदारी गरेको विशेष स्रोतले जानकारी दिएको छ ।

 

बिहीबार चन्द्रागिरि पुगेका ओली–दाहाल शुक्रबार दिउँसो फर्केका हुन् । यो भेटले पार्टी कार्यकर्तामा एक प्रकारको उर्जा दिने विश्वास गरिएको छ । एकता पछि धेरै नेता कार्यकर्ताहरु जिम्मेवारीबिहीन भएर बस्नु परेको भन्दै आउँने गरेको दुःखेसो अब हुने जनाइएको छ ।