युवती बलात्कार गर्न खोज्ने खानेपानीका हाकीम प्रहरी नियन्त्रणमा
युबती बलात्कार गर्न खोज्ने खानेपानीका हाकिम पक्राउ परेका छन् ।
श्रीमति नभएको मौकामा क्वाटरमा बोलाएर युवतिलाई बलात्कार गर्न खोज्ने प्रजापति दाहाल पक्राउ परेका हुन् ।
दाहाल भरतपुर खानेपानी व्यवस्थापन बोर्डका कार्यकारी निर्देशक भएको जनाइएको छ ।
दाहालले मंगलबार राति युवतीलाई आफ्नो क्वार्टरमा बोलाएर यौन दुर्व्यवहार गरेको आरोप लागेको छ ।
युवतीले प्रहरीमा उजुरी दिएपछि दाहाल पक्राउ परेका हुन् ।
दाहालले श्रीमती नभएको मौकामा युवतीलाई राति ८ बजे क्वार्टरमा बोलाएर बलात्कार गर्न खोजेका थिए तर युवतीले भागेर ज्यान जोगाउन सफल भईन् ।
भाग्ने क्रममा युवतीको खुट्टासमेत मर्किएको प्रहरीले जनाएको छ ।
दाहालले बलात्कार गर्नका लागि युवती चढेर आएको स्कुटर र मोवाइल समेत जफत गरेर राखेका थिए ।
त्यसपछि राति नै युवती अटो चढेर भागेकी थिइन । दाहाल अहिले प्रहरी नियन्त्रणमा रहेका छन ।
प्रहरीले घटनालाई लिएर अनुसन्धान गरिरहेको जानकारी दिएको छ ।
