भारतीय एकाधिकार तोड्न ओली सरकारले उठायो यस्तो कदम
लामो समय देखि भारतीय एकाधिकार सहँदै आएको नेपालले चीनसँग सोचेअनुरुप सम्बन्ध विस्तार गर्न नसकेको आरोप लाग्ने गरेको छ ।
यो बिचमा नेपाललाई चीनसित जोड्ने तातोपानी नाका जेठको मध्यबाट पुनः सञ्चालनमा आउने भएको छ ।
२०७२ सालको भूकम्पले यो नाका बन्द भएको थियो ।
मङ्गलबार सरकारी उच्चस्तरीय टोलीसहित स्थलगत निरीक्षणमा पुगेको भौतिक पूर्वाधार तथा यातायातमन्त्री रघुबीर महासेठले भन्नुभयो, ‘‘तातोपानी नाका आगामी जेठ १७ बाट सञ्चालन गर्ने तयारी भएको छ ।’
मुलुकको रणनीतिक महत्वको सो नाका छिटोभन्दा छिटो पुनः सञ्चालनमा ल्याउने उद्देश्यसहित अरनिको राजमार्गको पुनर्निर्माण पनि भइरहेकको छ ।
त्यसक्रममा क्षतिग्रस्त ठाउँ र सडकखण्डमा कटान रोकथाम, पहिरो नियन्त्रणको कार्य भइरहेको छ ।
नेपालले भारत र चीनसँग समान रुपमा सम्बन्ध विस्तार गर्न सक्ने हो भने नेपालमा भारतीय एकाधिकार कम हुने र त्यसो भएपछि नेपालमा भारतीय दादागिरी पनि कम हुने आंकलन गरिएको छ ।
