विराटनगरमा भयो यस्तो डरलाग्दो घटना, अदालत र सरकार विरुद्ध नाराबाजी
अहिले विवादमा रहेको नागरिकता विधेयकको सर्मथनमा प्रदर्शन गरिएको छ । सरकारले अगाडी सारेको नागरिकता विधेयकलाई सर्वोच्व अदालतले राक्न खाजेको भन्दै विराटनगरमा अदालत विरुद्ध प्रदर्शन गरिएको हो ।
जिल्ला प्रशासन कार्यालय मोरङमा नागरिकता लिन गएकाहरुले नागरिकता वितरण कार्य रोकिएपछि विराटनगरमा जुलुस प्रदर्शन गर्नुका साथै कोशी राजमार्गमा केही बेर चक्काजाम समेत्त गरेका हुन् ।
जन्मका आधारमा नागरिकता पाएकाहरुको सन्तानलाई नागरिकता दिने गृह मन्त्रालयको परिपत्र कार्यान्वयन नगर्न सर्वोच्च अदालतले अन्तरिम आदेश दिएपछि जिल्ला प्रशासन कार्यालय मोरङले सूचना जारी गरेर बैशाख ४ गते सम्मलाई नागरिकता वितरण कार्य रोकेको थियो ।
नागरिकता दिने प्रक्रिया रोकिएको भन्दै उनीहरुले प्रदर्शन गरेका हुन् । जिल्ला प्रशासन कार्यालय मोरङबाट प्रदर्शन गर्दै निस्किएका सेवाग्राहीहरुले भट्टी मोडमा केही बेर चक्का जाम पनि गरेका थिए ।
गृह मन्त्रालयले चैत्र १९ गते जन्मका आधारमा नागरिकता पाएका बाबु र आमा दुबैजनाको नागरिकता लिएर आउने व्यक्तिलाई नागरिकता दिन ७७ वटा जिल्ला प्रशासन कार्यालयहरुलाई निर्देशन दिएको थियो । यसलाई लिएर केही राजनीतिक दलहरुले विरोध जनाइरहेका छन् भने अदालत पनि सरकार विरुद गएको छ ।
