समाजसेवाको परिभाषा बदल्दै नायिका खड्का, सहयोग नउठाई वस्ती निर्माण !

 

मान्छेहरुले समाजसेवाको नाममा जनतासँग चन्दा उठाउँने गरेका छन् ।

यसको पछिल्लो चर्चित अनुहारको रुपमा धुर्मुस–सुन्तली पनि रहेका छन् ।

उनीहरुले हरेक सामाजिक काममा देश तथा विदेशमा रहेका नेपालीहरुको सहयोग लिने गरेका छन् ।

यो भिडमा नायिका श्वेता खड्काले सिन्धुपाल्चोकको चौतारा साँगाचोकगढी नगरपालिका– १४ भीमटार माझी बस्तीमा नमुना बस्ती आफ्नै नीजि लगानीमा निर्माण गर्नुभएको छ ।

नायिका श्वेताले बस्तीको दुई तीनवटा तस्बिर जुन ड्रोन क्यामेराले खिचेका हुन्, फेसबुकमा पोस्ट गर्नुभएको छ ।

तस्वीरमा देखिएको बस्तीमा ५३ वटा चिटिक्क परेका घर ठडिएका छन् । बस्तीको निर्माण कार्य अन्तिम चरणमा पुगेको छ ।

०७२ वैशाख १२ गते गएको भूकम्पबाट पीडितका लागि श्वेताले बस्ती बसाउनु भएको हो ।

भीमटारको माझी बस्तीका स्थानीयलाई लक्षित गरी नायिका खड्काले श्वेता श्री फाउन्डेसनमार्फत ५३ घर निर्माण सुरु गर्नु भएको थियो ।

४६५ वर्ग फिटमा निर्माण हुने घरको लागत प्रति घर लगभग सात लाख रुपैयाँ पर्न आउँछ ।

फाउन्डेसनले स्थानीयसँग घर निर्माणमा लाग्ने सात लाख आफैले व्यहोर्नुपर्ने र अन्य भौतिक पूर्वाधारको काम मात्रै फाउन्डेसनले गर्ने सहमतिमा काम सुरु गरेको थियो ।

श्वेताले काम अन्तिम चरणमा पुगेको र अझै केही बाँकी रहेको छ । तपाईका जानकारीका लागि भनौं श्वेताले कसैसँग चन्दा नउठाइकन बस्ती निर्माण गर्नुभएको हो ।

उहाँ लेख्नुहुन्छ, ‘सानो घर, हाम्रो रहर’ को सपना साँचेका मेरा प्रिय माझी बस्तीका दाजुभाइ तथा दिदिबहिनीहरुसँग हात्तेमालो गर्दै यहाँसम्म आइपुगियो ।

धेरै कष्ट सहियो, धेरै हण्डर खाइयो । कतिले गाली गरे अनि कतिले आँखा तरे । कोहीले आश देखाए भने कोहीले उपहास गरे ।

तर सहयोगीहरुको साथ र माझी बस्तीका युवाहरुको हातका कारण हामी, हाम्रो सपनालाई बिपनामा परिणत गर्ने तर्खरमा छौ । अझै केही काम बाँकी छन् । म एक्लैले, अपुरो कामलाई पूरा गर्न सम्भव छैन ।

आउनुस् अझै मौका छ । नमुना माझी बस्तीमा आ–आफ्नो योगदान गरौ ।’ यो सँगै अहिले सामाजिक सञ्जालमा नयाँ बहस सुरु भएको छ ।

चर्चित गीतकार, साहित्यकार तथा पूर्वजर्नेल राजेन्द्र थापा समसामयिक विषयमा टिप्पणी गर्न माहिर मानिन्छन् । उहाँका लेख र मुक्त चोटिला हुन्छन् । आफूलाई लागेको कुरा उहाँ तर्कसंगत पुष्टि गर्न सक्षम हुनुहुन्छ । उहाँका व्यंग्य पनि यति सशक्त छन् कि जसका बारेमा लेखिएको हो ऊ मर्माहत हुन पुग्छ । चोटिला टिप्पणी लेख्न माहिर थापाले शनिबार फेसबुकमा एउटा समाचारको विषयमा टिप्पणी लेख्नुभयो जुन टिप्पणी नायिका श्वेता खड्काप्रति थियो ।

तर, त्यसको प्रहार भने सिधै धुर्मुस सुन्तली फाउन्डेसनतर्फ लक्षित छ । उहाँ लेख्नुहुन्छ, ‘लौ सिस्टम बिगारेको किन श्वेता खड्काले ? न चन्दा मागेको था भो । न जस्ता, ढुंगा बोकेको तस्बिर ! न मिडियामा दयालु मनको प्रदर्शन गरी हुँक्क ! न प्रचण्डको छोरीको इलाकामा निर्माण गरेको ! न अखबार न अनलाइन न फेसबुक ।

उता त बस्ती नै बसिसकेको रहेछ । यो हो गरिब पीडित भुइँमान्छेको भलाइ ! हिन्दु ग्रन्थहरु र कुरानमा समेत दान दिएको गोप्य राख्नु धर्म हो, हल्ला गर्नु ढोंग हो भनेको छ । सिक सिक देवदेवी धु सु लगायतका सेलेब्रेटीहरु । सलाम छ श्वेतालाई ।’ सीताराम कट्टेल र कुञ्जना घिमिरेको सुन्तली फाउन्डेसनले पनि यसबीचमा चारवटा नमुना बस्ती बसायो । धुर्मुस सुन्तली फाउन्डेसनले गरेका हरेक गतिविधि समाचार बने, बनाइए ।

फाउन्डेसनले समाजसेवा नै गरेको हो । तर, गीतकार थापाका अनुसार समाजसेवा गर्दा हल्ला गर्नु ढोग हो । धुर्मुस अर्थात् सीताराम कट्टेलमा प्रचारको भोक धेरै भएको उहाँको भनाइ छ । थापा लेख्नुहुन्छ, ‘सहयोग र प्रचार फरक । आफ्नै र आफ्न्तको स्रोतको उपयोग र खाता खोल व्यवसाय फरक हो ।

धु सु को यो व्यवसाय भयो अब ।’ सहयोग मागे पनि श्वेताको यो सामाजिक भयो । करोड रुपैयाँ उठाएर जाने धुर्मुसे जस्ताले बोरा बोकेर राहत बाँड्दैन, भनेसी देखाउन खिचिएको । बाढीमा उद्धारमा सुरक्षा तथा स्वयंसेवकहरु बोट। हेलिकप्टर, माझी, सेफ्टी डोरी आदिबाट सामूहिक उद्धार हुन्छ । तर धुर्मुस एक्लै गर्धन डुबाएर फोटा भाइरल बनाउँछ सिनेमामा झैं ।’