बाबुको झारफुक गर्न जाँदा १३ वर्षीया छोरी बलात्कार, बलात्कारी पक्राउ

 

१३ वर्षीया बालिकालाई बवरजस्ती करणी गरी फरार रहेका एक जना पक्राउ परेका छन् ।

चैत्र १९ गते दिउँसो मध्यपुर थिमि वडा नम्बर १ लोकन्थलीमा एक बालिकालाई जवरजस्ती करणी गरी भागेका मकवानपुर जिल्ला मकवानपुरगढी गाउँ पालिका वडा नम्बर ५ घर भई हाल भक्तपुर चांगुनारायण नगरपालिका ८ बस्ने ३५ वर्षीय रोशन भन्ने हिरामणी घिमिरेलाई भक्तपुर प्रहरीले रसुवाबाट पक्राउ गरेको हो ।

पीडित बालिकाको बाबुलाई झारफुक गर्ने बाहानामा १३ वर्षकी बालिकालाई समेत कोठाभित्र राखी भित्रबाट चुकुल लगाई जवरजस्ती करणी गरेको उजुरी महानगरीय प्रहरी वृत्त थिमिमा परेको थियो ।

उजुरीका आधारमा तत्कालै खोजतलास गर्नको लागि महानगरीय प्रहरी वृत्त ठिमी भक्तपुरबाट खटिएको प्रहरी अधिकृत सहितको टोलीले चैत्र २१ गते रसुवा जिल्लाको कालिका गाउँपालिका वडा नम्बर ३ कटुन्जेबाट घिमिरेलाई पक्राउ गरेको हो ।