बलिउड अभिनेत्री मनिषा कोइरालाले नेपालीहरुबारे यस्तो भनिन्

 

भारतमा मात्रै नभई विश्वभर मनिषा कोइराला एकदमै चर्चित नाम हो । बलिउडमा आफ्नो कलाले छाप छोड्न सफल कोइरालाले नेपाली फिल्म निर्मातालाई ब्यवसायिक भन्दा सृजनात्मक हुन सुझाव दिनु भएको छ । पछिल्लो समय साउथ इन्डियन फिल्ममा ब्यस्त रही हालै नेपाल फर्किएकी कोइरालाले नेपाली चलचित्रको विकासको बारेमा बोल्दै सिर्जनात्मक बन्नु पर्नेमा जोड दिनु भएको हो ।

 

मनिषाले चलचित्र राम्रो बन्न र अन्तर्राष्ट्रिय स्तरमा पुग्नको लागि सृजनात्मकताले ठूलो भुमिका खेल्ने र थोरै लगानी भएका चलचित्रले पनि राम्रो अवसर पाउनेमा आफु विश्वस्त रहेको कुरा पनि स्पष्ट पार्नु भएको छ । राम्रो कथावस्तु र राम्रो टिम भेटे मुलधारको नेपाली चलचित्रमा आफू काम गर्न तयार रहेको समेत्त जानकारी गराउँनु भएको छ ।