आज हावाहुरीसहित भारी वर्षाको सम्भावना, मौसमविद्को यस्तो चेतावनी

 

हालै बारा पर्सामा आएको हावाहुरीको कारण ठुलो विपत्त आएको छ । यो सँगै देशभरको मौसम मंगलबार आंशिकदेखि सामान्य बदली हुने जल तथा मौसम पूर्वानुमान महाशाखाले जनाएको छ । पूर्वी क्षेत्र तथा मध्य क्षेत्रको पहाडी इलाकामा आंशिकदेखि सामान्य बदली हुने र देशका अरु क्षेत्रको मौसम आंशिकदेखि सामान्य बदलीको सम्भावना रहेको मौसमविद गंगा नगरकोटीले बताएकी छन् ।

 

बेलुका तिर पूर्वका थोरै तथा मध्य र पश्चिमका पहाडी इलाकाका एक–दुई ठाउँमा मेघ गर्जनसहित क्षणिक वर्षाको सम्भावना रहेको छ । यस्तै हावाहुरी चल्ने सम्भावना पनि रहेको मौसमविद नगरकोटीले बताएकी छन् ।

 

विशेष गरि तराईका क्षेत्रमा दिउँसो तीनबजेपछि हावाहुरी चल्न सक्ने भएकाले सचेत रहनु पर्ने मौसमविदको भनाई छ । आइतबार बेलुका आएको हावाहुरीका कारण बारा र पर्सामा २९ जनाको ज्यान गएको थियो । आइतबार बेलुका चलेको हावाको गति कम्तिमा ५० नट्स अर्थात २५ मिटर प्रति सेकेण्डको रहेको जनाइएको छ ।

 

नजिकै मौसम पूर्वानुमान स्टेशनको अभाव तथा सुक्ष्म अध्ययन गर्ने प्रविधिको अभावका कारण पूर्वानुमान गर्न कठिन भएको मौसमविदको भनाई छ । जनशक्ति र प्रविधिको व्यवस्थ गर्न सकिएमा यस्ता खालका विपदको पूर्वानुमान गर्न सकिने उनीहरुले बताएका छन् । जारी मिति : चैत्र १९ गते (मंगलबार) बिहान ६:०० बजे

 

चैत्र १९ गते (मंगलबार) : दिउँसोः देशको पुर्वी लगायात मध्य पहाडी तथा पश्चिमी पहाडी भू-भागहरुमा आंशिक देखी सामान्य बदली रहनेछ भने बाँकी भू-भागहरुमा आंशिक बदलि रहनेछ ।

 

अपरान्ह पश्चात देशको पुर्वी भू-भागका थोरै स्थानहरुमा र पश्चिमी पहाडी तथा मध्य पहाडी भु-भागका एक दुइ स्थानमा मेघ गर्जनका साथ हावाहुरी सहित क्षणिक वर्षाको संभावना देखिन्छ।

 

राति: देशको पुर्वी भू-भाग लगायात मध्य पहाडी भु-भागमा आंशिक बदली रहनेछ बाँकी भू-भागहरुको मौसम सामान्यतया सफा रहनेछ । देशको पुर्वी भू-भागका एक दुइ स्थानमा मेघ गर्जन सहित क्षणिक वर्षाको संभावना देखिन्छ।

 

चैत्र २० गते (बुधबार) : दिउँसोः देशको पुर्वी भु-भाग लगायत मध्य पहाडी तथा पश्चिमी पहाडी भू-भागहरुमा आंशिक देखी सामान्य बदली रहनेछ भने बाँकी भू-भागहरुमा आंशिक बदलि रहनेछ ।

 

अपरान्ह पश्चात देशको पुर्वी पहाडी भू-भागका थोरै स्थानमा, मध्य पहाडी तथा पश्चिमी पहाडी भु-भागका एक दुइ स्थानमा मेघ गर्जनका साथ हावाहुरी सहित क्षणिक वर्षाको संभावना देखिन्छ।राति: देशको पहाडी भू-भागहरुमा आंशिक बदली रहनेछ भने बाँकी भू-भागहरुको मौसम सामान्यतया सफा रहनेछ ।

 

चैत्र २१ गते (बिहिबार) :दिउँसोः देशको पुर्वी भु-भाग लगायत मध्य पहाडी तथा पश्चिमी पहाडी भू-भागहरुमा आंशिक देखी सामान्य बदली रहनेछ भने बाँकी भू-भागहरुमा आंशिक बदलि रहनेछ ।

 

अपरान्ह पश्चात देशको पुर्वी पहाडी भू-भागका थोरै स्थानमा, मध्य पहाडी तथा पश्चिमी पहाडी भु-भागका एक दुइ स्थानमा मेघ गर्जन सहित क्षणिक वर्षाको संभावना देखिन्छ। राति: देशका पहाडी भू-भागहरुमा आंशिक बदली रहनेछ भने बाँकी भू-भागहरुको मौसम सामान्यतया सफा रहनेछ ।