रुसकी चौथो धनी महिला एवं विमान कम्पनीकी मालिकको विमान दुर्घटनामा मृत्यु
रुसी उड्डयन उद्योगमा आइरन लेडीको नामले चर्चित नतालिया फिलेवा ९५५० को विमान दुर्घटनामा मृत्यु भएको छ ।
यो दुर्घटना दक्षिण–पश्चिम जर्मनीस्थित एजेलबाश शहर नजिकै भयो ।
६ सिटे विमानमा पाइलटबाहेक ५५ वर्षकी नतालिया र उनका पिता थिए ।
विमानमा सवार तीनैजनाको मृत्यु भएको छ ।
बुवालाई उपचारका लागि जर्मनी लैजादै थिइन् नतालियाः
नतालिया र उनका श्रीमान् भ्लादिस्लाव फिलेवा एससेभेन एयरलाइन्सका सह–मालिक थिए । नतालियाको सम्पत्ति ६० करोड डलर थियो ।
उनका चार सन्तान छन् ।
यीमध्ये एक धर्मपुत्री पनि छिन् ।
रुसी नागरिक उड्डयन क्षेत्रमा यात्रीको सुविधा र सुरक्षा बढाउने विषयमा केन्द्रीत नतालियालाई आइरन लेडी भनिन्थ्यो ।
नतालिया बुवाको उपचारका लागि फ्रान्सबाट जर्मन जाँदै थिइन् ।
त्यति नै बेला दुर्घटना भएको थियो ।
२६ देशका एक सय ८१ शहरमा छन् एससेभेनको सेवाः
एससेभेन जसलाई साइबेरिया एयरलाइन्स पनि भनिन्छ, रुसको दोस्रो ठूलो एयरलाइन्स कम्पनी हो ।
कम्पनीका ९६ वटा विमान छन् ।
संसारको २६ देशका एक सय ८१ शहरमा यसले सेवा दिन्छ ।
रुसको सबैभन्दा ठूलो एयरलाइन्स कम्पनी एयरोफ्लोतको यो प्रमुख प्रतिद्वन्द्वी हो ।
एयरोफ्लोत सरकारी कम्पनी हो ।
सोभियत विघटनपछि खरिद गरिएको थियो एयरलाइनस्
नतालियाले सोभियत संघको विघटनपछि साइबेरिया एयरलाइनको खरिद गरेकी थिइन् ।
एससेभेन एयरलाइन्स करिब एक दशकसम्म वन वर्ल्डको हिस्सा थियो ।
यो अलाइन्समा अमेरिका, ब्रिटेन र जापनको कम्पनी पनि थियो ।
कम्पनीका कर्मचारीले मम्मा भनेर बोलाउँथेः
नतालिया र उनका श्रीमान् एयरलाइन्सका कर्मचारीबीच पनि निकै लोकप्रिय थिए ।
कर्मचारीले उनीहरुलार्य मम्मा र पापा भनेर बोलाउँथे ।
विशेषज्ञले एयरलाइन्सको सफलताको पछाडि नतालियाको मेहन र दूरदर्शितालाई सबैभन्दा ठूलो करण बताउँछन् ।
चालकले विमान घुमाउने कोसिस गर्दा नियन्त्रण गुमाएका थिएः
जर्मन अधिकारीका अनुसार चालकले विमान घुमाउन कोसिस गर्दा नियन्त्रण गुमाएपछि दुर्घटना भएको हो ।
घटनाबारे थप अनुसन्धान भइरहेको छ ।
विमान दुर्घटनापछि घटनास्थलमा जाँदै गरेको पुलिसको एउटा कार पनि दुर्घटनाग्रस्त भएको छ ।
यसमा दुईजनाको ज्यान गएको छ ।
यो समाचार एजेन्सीबाट साभार गरिएको हो ।
