आँधि प्रभावित क्षेत्रको उद्धारमा जुटन स्काउटका राष्ट्रिय संयोजक भण्डारीको अपिल

 

नेपाल स्काउटले बारा र पर्सामा आएको आँधिबाट क्षतिग्रस्त बनेका स्थानमा गएर खट्न अपिल गरेको छ । स्काउटका राष्ट्रिय संयोजक लोकबहादुर भण्डारीले सोमबार आव्हान गर्दै गहिरो दुख व्यक्त गर्नुभएको छ ।

 

‘अकल्पनिय विपतको यो घडिमा नेपाल स्काउटका विपत व्यवस्थापन तालिम प्राप्त सम्पूर्ण स्काउट, रोभर रेन्जर स्काउटका साथै अन्य मानुभावहरुलाई उद्धार, राहत जस्ता अत्यावश्यक कार्यमा स्वतस्र्फुत परिचालित हुन अपिल गर्दछौं’, उहाले विज्ञप्तीमा अगाडी भन्नुभएको छ,‘सम्वन्धि जिल्ला स्काउट कार्यालयहरुलाई उद्धार, राहत तथा स्वयमसेवक परिचालनमा आवश्यक पहल तथा समन्वय गर्न गराउन समेत यसै आव्हान मार्फत निर्देशन दिइन्छ ।’

सो आँधिबाट अहिलेसम्म ३१ जनाको ज्यान गएको समाचार छ भने कयौं घाइते भएका छन् । अधिकाशंका घर भत्किएका छन्, घाइते मध्ये धेरैलाई चोटपटक लागेको छ । घाइते मध्ये ११ जनालाई काठमाडौं ल्याइएको छ भने २ जनाको अवस्था गम्भिर रहेको त्रिवि शिक्षण अस्पतालले जनाएको छ ।