मौसम विभागले किन दिएन हावाहुरीको पूर्वसूचना ? यस्तो रहेछ कारण
मौसम पूर्वानुमान नहुँदा नेपालले सधैंजसो थुप्रै जनधनको क्षति व्यहोर्न परिरहेको छ । छिमेकी मुलुकहरुमा समेत मौसमको पूर्व जानकारी दिने भएपनि नेपालमा पूर्व सूचना नहुँदा वर्षेनी कयौं नोक्सानी हुन्छ ।
आइतबार भारतको मौसम विज्ञान विभागले उत्तरी क्षेत्रमा आउन सक्ने आँधीको पूर्व जानकारी गराएका कारण आइतबार आएको आँधीले खासै असर गरेन । भारतका पश्चिम बंगाल, बिहार लगायतका ठाउँमा आइतबार नै सचेत गराइएको थियो भने आँधी वा हावाहुरीको चेतावनी दिइएको थियो ।
तर सोही प्रदेशहरुसँग सीमा जोडिएका नेपालका बारा तथा पर्सामा ठुलो जनधनको क्षति भयो । २७ जनाको मृत्यु भइसकेको छ भने सयौं घाइते छन् ।
नेपालको मौसम पूर्वानुमान महाशाखाले आइतबार पूर्वी र मध्यभेगमा सामान्य बदली रहने पूर्वानुमान गरेको थियो । तर सोही दिन भीषणा हावाहुरी चल्यो । यसबाट मौसम पूर्वानुमान माहाशाखाप्रति नै प्रश्न उठेको छ ।
पर्याप्त प्रविधि र मोडल नहुँदा आँधीको बेगबारे जानकारी पाउन नसकिएको मौसमविद्हरुले बताएका छन् । आँधीबारे अनुमान नै गर्न नसकिएको भन्दै मौसमविद्हरुले यस्तो आँधी नेपालका लागि दुर्लभ भएको बताएका छन् । यसबारे अनुसन्धान गर्नु जरुरी रहेको उनीहरुको ठम्याइ छ ।
संसार रुवाउँने बारा र पर्साका १० तस्वीर मन थामेर हेर्नुहास्
अहिले नेपाल ठुलो पिडामा छ । तराईका जिल्लाहरुमा हिजो बेलुका अचानक आएको हावा हुरीले गर्दा ३१ जनको ज्यान गएको छ । यो बिचमा प्रधानमन्त्री केपी शर्मा ओली लगायतको टोली त्यसतर्फ जाने भएको छ । प्रदेश नम्बर २ सरकारले यसलाई राष्ट्रिय शोकको रुपमा लिनुपर्ने बताएको छ ।
आज प्रधानमन्त्री ओलीसँग कुरा गर्दै प्रदेश प्रमुख लालबाबु राउतले राष्ट्रिय शोकको रुपमा लिन अनुरोध गर्नुभएको हो । साथैं, प्रदेश सरकारले झण्डैं चार सयको संख्यामा घाइते भएकाहरुको उपचार निःशुल्क गर्ने र मृतक परिवारलाई तीन लाख आर्थिक सहायता दिने जनाएको छ ।
