हिमाल आरोहण गर्न नेकपाका नेतालाई सरकारी खर्च

 

 

प्रदेश सरकार र स्थानीयतहको रकम खर्चेर सत्तारुढ दल नेकपाका नेताहरु हिमाल आरोहणमा लागेका छन् । सिन्धुपाल्चोकको जुगल गाउँ पालिकामा रहेको ‘भर्जिन’ हिमाल आरोहणका लागि नेकपाका केन्द्रीय सदस्यसहितको जम्वो टोली त्यस तर्फ लागेको छ । आरोहणका लागि झण्डै एक करोड रुपैयाँ लाग्ने अनुमान गरिएको छ ।

 

सो रकम सम्पूर्ण रुपमा सरकारी कोष बाट खर्च गरिने छ । हाललाई ५० लाख रुपैयाँ ब्यवस्थापन गरेको प्रदेश तीन सरकारले अपुग रुपैयाँ दिने शर्तमा टोली हिमालमा मस्ती गर्न हिडेको हो । प्रदेश तीनको उद्योग पर्यटन तथा वातावरण मन्त्रालयले सो रकम ब्यवस्थापन गरेको मन्त्री अरुण नेपालले वताए । त्यसका साथै गाउँ पालिका राष्ट्रिय महासंघका अध्यक्षसमेत रहेका होमनारायण श्रेष्ठले आरोहणका लागि गाउँपालिकाको कोष बाट दश लाख रुपैयाँ दिएका छन् ।

 

‘दुर्गम भेगमा पर्ने यो गाउँ पालिकामा शिक्षा स्वास्थ्यको अवस्था नाजूक छ, तर यहाँको विकासका लागि आएको बजेट हिमाल चढ्न दिईएको अवर आएको छ । यसमा हामी आपत्ति प्रकट गर्दछौं’–सोही गाउँ पालिकामा राजनीति गर्ने एक नेकपाका कार्यकर्ताले बताए ।त्यसोत जुगल गाउँपालिकाको रकम अनियमितता भएको भन्दै पटक पटक अख्तियार दुरुपयोग अनुसन्धान आयोगमा उजुरी परेको छ । आफूलाई राष्ट्रपति बिद्या भण्डारी नजिक बताउने होमनारायाणले शक्तिकै भरमा अख्तियारको फाईल अघि बढ्न दिएका छैनन् ।

 

यसरी हिमाल आरोहण गर्न जानेटोलीको नेतृत्व भने नेकपाका केन्द्रीय सदस्य माधव सापकोटा‘सुवोध’ले गरेका छन् । उनको टिममा नेकपाका प्रदेश सदस्य सुभाष कर्माचार्य, नेकपाका कार्यकर्ता मिलन लामा,माया गुरुङलगायत जम्वो टोली छ । प्रत्येक सदस्यलाई दैनिक भ्रमण खर्च,खानालगायतको ब्यस्थापन गरिएको छ । टोलीलाई शुक्रवार प्रदेश तीनका मुख्यमन्त्री डोरमणि पौडेल,मन्त्री अरुण नेपाललगायतले बिदाई गरेका थिए ।