‘बिर बिक्रम २’ र ‘जात्रै जात्रा भिड्ने पक्का, कसले मार्ला बाजी ?
चलचित्र ‘जात्रैजात्रा’ ले आफ्नो प्रदशनी मिति सारेको छ ।
यसअघि वैशाख २७ गते रिलिज हुने भनिएता पनि सोही मितिमा बलिउडको ‘स्टुडेन्ट अफ दि इयर २’ हुने भएपछि ‘जात्रै जात्राले’ आफ्नो रिलिज मिति सार्दै जेठ ३ मा पुर्याईएको हो ।
जुन आउदो बर्षको प्रतिक्षित चलचित्र हो ।
उता सोहि मितिमा अर्को नेपाली चलचित्र ‘बिर विक्रम २’ पनि रिलिज हुदैँछ ।
शनिवार ‘जात्रै जात्रा’ र ‘बिर विक्रम २’ का निर्माता बिच वार्ता भएको थियो ।
उक्त्त भेट वार्तामा जात्रै जात्रा टिमले बिर विक्रम २ का निर्माता तथा निर्देशक मिलन चाम्सलाई चलचित्र पछाडि सार्न आग्रह गरेको थियो ।
तर चाम्सले आफ्नो चलचित्र नसार्ने अडान लिएपछि जात्रै जात्रा जेठ ३ मा आउने पक्का भएको हो ।
‘जात्रै जात्रा’ लाई प्रदीप भट्टराईले निर्देशन गरेका हुन् ।
चलचित्रमा विपिक कार्की, वर्षा राउत, दयाहाङ राई, रविन्द्र झा, रविन्द्र सिंह बानियाँ लगायतका कलाकारको अभिनय रहेको छ।
भने यता ‘बिर विक्रम २’ मा वर्षा सिवाकोटी, पल शाह र नाजिर हुसेनको मुख्य भूमिका रहेको छ ।
