डरायो विप्लव समूह : घोषित नेपाल बन्द कार्यक्रम फिर्ता

 

आफ्ना नेता कार्यकर्ता पक्राउ परेपछि रिहाको माग गर्दै घोषणा गरेको नेपाल बन्द नेत्रबिक्रम चन्द विप्लव समूहले फिर्ता लिएको छ । सरकारलाई दबाब दिन लामो समय देखि बन्द हड्ताल गर्दै आएको विप्लव समुहले घोषित कार्यक्रम फिर्ताको घोषणा गरेको छ । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीले घोषणा गरेको नेपाल बन्दसँगै संघर्षका कार्यक्रम फिर्ता लिएको निर्णय बाहिर आएको हो ।

 

विप्लव समुहले सोमबार विज्ञप्ति सार्वजनिक गर्दै चैत १६ गते नेपाल बन्दको घोषणा गरेको थियो । सरकारले पार्टीमाथि प्रतिबन्ध लगाउने निर्णय गरेपछि पहिलो पटक बसेको स्थायी समिति बैठकले सोमबार नेपाल बन्दलगायत चरणबन्द आन्दोलनको घोषणा गरेको थियो । विप्लव माओवादी अहिले एसईईको परीक्षा चलिरहेको हुँदा बन्दलाई पछि सारिएको जनाएको थियो ।

 

तर परीक्षा २६ गते नैं सकिने देखिएको छैन् । अर्को तिर नेपाल बार एसोसिएसनको चुनाव पनि पर्न गएको छ । बार एसोसिएसन र राष्ट्रिय परीक्षा बोर्ड, परीक्षा नियन्त्रण कार्यालय सानोठिमीले बन्द फिर्ता लिन आग्रह गरेका थिए । जन दबाब र लाखौं विद्यार्थीको भविष्यलाई ख्याल गर्दै आफुहरुले बन्द फिर्ता लिएको एक नेताले जानकारी दिनुभयो ।