यी हुन् जिल्ला हाक्ने महिला सिडिओहरु

हाम्रो इकोनोमि

 

नेपालमा उच्च ओहोदामा पुरुषहरुको बाहुल्यता रहेको अवस्थामा अहिलेको आएर महिलाले पनि उच्च ओहोदामा आप्mनो उपस्थिती देखाउन थालेका छन् ।

हाल नेपालको राष्ट्रपतिमा पनि महिला नै छन् विद्यादेवी भण्डारी ।

यसैगरी हाल आएर सरकारी निकायमा महिलाको उल्लेख्य सहभागीता देखिएको छ ।

हाल देशका १० जिल्लामा महिला प्रमुख जिल्ला अधिकारीहरुले जिल्ला चलाइरहेका छन् ।

महिलाले केहि पनि काम गर्न सक्दैनन् भन्ने नेपाली रुढीवादी सोचलाई उनीहरुको नेतृत्वले चुनौती दिएको छ ।

ती भाग्यमानी १० महिलाहरुमा ४ जना प्रमुख जिल्ला अधिकारी र ६ जना सहायक प्रमुख जिल्ला अधिकारीको कार्यभार सम्हालि रहेका छन् ।

प्रमुख जिल्ला अधिकारीको कार्यभार सम्हाल्नेमा तेहृथुम जिल्ला प्रशासन कार्यालयमा लक्ष्मीदेवी हुमागाई खतिवडा, भोजपुर जिल्ला प्रशासन कार्यालयमा हिरादेवी पौडेल, ओखलढुंगा जिल्ला प्रशासन कार्यालयमा मेनका न्यौपाने र जुम्ला जिल्ला प्रशासन कार्यालयमा दुर्गा वन्जाडे रहेका छन् ।

यसैगरी सहायक प्रमुख जिल्ला अधिकारीको कार्यभार सम्हालि रहेका ६ जनामा ताप्लेजुङ्ग जिल्ला प्रशासन कार्यालयमा गीताकुमारी राई, मोरङ्गमा चन्द्रकला ओली चाँैलागाई, सिन्धुलीमा विजया कुमारी प्रसाई, म्याग्दीमा तिलादेवी अर्याल, डोल्पामा लक्ष्मीदेवी शर्मा र सुर्खेतमा विनीता भट्टराई रहेका छन् ।