विप्लव दाई ! प्रेम बिनाको सम्बन्ध र आत्मविस्वास बिनाको क्रान्तिले क्षति पुर्याउछ: निर पवन
जनवादी कलाकार निर पवनले प्रेम बिनाको सम्बन्ध र आत्मविस्वास बिनाको क्रान्तिले क्षति पुर्याउने धारणा व्यक्त गरेकी छिन् ।
उनले सामाजिक संजाल फेसबुकमा लेख्दै यस्ताे धारणा राखेकी हुन् ।
उनले नेताहरुले जे भन्याे त्यही खुरु खुरु गरिदिने नेपाली जनता महान् भएकाे भन्दै विप्लवकाे क्रान्तिमाथि नै प्रश्न उठाएकी छिन् ।
‘नेताहरू आफ्नो बच्चालाई महँगो बोडीङ स्कुलमा पढाउछन् र जनताको छोराछोरीलाई त्यही बोडीङमा ढुंगा हान भन्छन्- हानिदिन्छन् । आफुहरु विदेशी वाइन पिउँदै जनजातिको छोराछोरीलाई मूर्ख बनाउँदै, आफ्नै आमाको रक्सीको घैला फोर भन्छन्- फोरिदिन्छन् । जनताको छोरीलाई नाकको फुलि फाल्न लगाउँदै, आफ्नो भणडार सुनचाँदिले सझाउँदै, जनताको छोराछोरीलाई सादा जीवन उच्च बिचारको पाठ घोकाउछन् र काधमा बन्दुक थमाइ दिन्छ ।’ उनले गंभिर भएर लेखेकी छिन् ।
विप्वले भन्दै आएकाे क्रान्तिप्रति कठाेर भएर शंका प्रकट गर्दै निर पवन लेख्छिन्, ‘त्यही पराइको भूमिमा नेपाली क्रन्तिको नक्सा कोर्छन र आदेश दिन्छ । त्यही भूमिबाट लड बिस्तार बादद्को विरुद्ध हामी तीन हात उफ्रिदिन्छौं । शङका छ …..दाइ ! शङका….. ।’
