रक्षामन्त्री ईश्वर पोखरेल अचानक अमेरिका किन प्रस्थान गर्दैछन
नेपाल कम्युनिष्ट पार्टी (नेकपा) अध्यक्ष पुष्पकमल दाहाल फिर्ता भएकै दिन उपप्रधानमन्त्री तथा रक्षामन्त्री ईश्वर पोखरेलले अमेरिका प्रस्थान गर्नुभएको छ ।
संयुक्त राष्ट्रसंघीय शान्ति मिसन अन्तर्गत शान्ति सेनाको क्षमता, दक्षता र सुरक्षा सम्वन्धी मन्त्रिस्तरीय सम्मेलनमा भाग लिन रक्षामन्त्री ईश्वर पोखरेल अमेरिकातर्फ लाग्नु भएको हो ।
१५ चैतमा संयुक्त राष्ट्रसंघको मुख्यालय न्यूयोर्कमा हुने मन्त्रीस्तरिय बैठकलाई सम्वोधन गर्ने कार्यक्रमका साथ नेपाली प्रतिनिधिमण्डलको नेतृत्व गर्दै मन्त्री पोखरेल मंगलबार राती अमेरिका लाग्नु भएको छ ।
मन्त्री पोखरेलले चैत १५ गते राष्ट्रसंघको मुख्यालयमा हुने बैठकमा सम्वोधनका क्रममा संयुक्त राष्ट्रसंघको आव्हानमा शान्ति स्थापनाका लागि कार्यरत नेपाली सेना र प्रहरीले पुर्याइरहेको योगदानलाई अन्तर्राष्ट्रिय जगत समक्ष उजागर गर्नुहुने भएको छ ।
