यस्ता पो जनप्रतिनिधि : सांसद बिमलाको पहलमा बिदेशी भूमीबाट छोराले पुर्न:जन्म पाएपछि हर्ष
कोही रहरले बिदेशिदै छन् त कोहि एक्छाक टार्ने कहरले खाँडि मुलुक भासिरहेका छन् ।
त्यहाँ उनीहरु दिनरात रगत पसिना बगाउँदै छन् । विदेशमा सुन फल्दैन । रगत पिलिएर, शरिर पिल्सीएर २४ घण्टा पोलिरहनेगरी काम गर्नुपर्छ ।
त्यो पिडाले कति नेपाली छोरा–छोरी बाकसमा मृत फर्किएका छन् त कति बेपत्ता भएका छन् । यस्तै एउटा पिडा खेप्नुपर्यो बर्दियाको एक परिवारले ।
पढ्ने लेख्ने कलिलो उमेरमै रहरले हैन् घरको कमजोर अवस्थाले बर्दियाका बिक्रम लोधलाई मलेशिया जान बाध्य बनायो ।
तर सोच्चे जस्तो सजिलो थिएन् बिक्रमलाई त्यँहा, काम गर्ने साहुले चरम यातना दिए पछि आफु सगँ भएको सबै कागजातहरु त्यहि छोडेर बिक्रम बिगत ५ बर्षदेखि घरपरिवार बाट सम्पर्क विहिन भई गैरकानुनी रूपमा मलेसिया मै भासिए ।
साहुको ऋण बोकेर कमाउन गएको छोरो ६ वर्ष सम्मपनि घर नफर्किएपछि बिक्रमका बाबु छोरोको फोटो र बिदेश जादाका कागज प्लाष्टिकमा पोको पारेर छोरोको खोजीमा काठमाण्डौ आए । बर्दिया जिल्लाको प्रतिनिधित्व गदै आइरहेकी सासंद बिमला वि.क. को करिब १ महिना लामो निरन्तर प्रयासबाट हिजो मात्र बिक्रमलाई नेपाल ल्याउन सफल भएका छन् ।
यसै विषयमा सासंद बि. क. भन्छिन् बिक्रमका बाबु जब मलाई भेट्न आए उनले एउटा प्लाष्टिकको पोकामा छोरा बिदेश जादा बनाएको कागजात देखाउदै गहभरी आसु ल्याउदै छोरालाई नेपाल ल्याईदिन आग्रह गरे । उनलाई मैले उद्धार गर्ने प्रतिवद्धता दिएकी थिए । सकेसम्म प्रयास गर्दा १ महिना पछि म बिक्रमलाई नेपाल ल्याउन सफल रहे ।
उनि भन्छिन् मेरो पहलमा नेपाल सरकार द्धारा टिकट काट्न लगाए साथै गैरकानुनी रूपमा मलेसिया बसेको कारणले त्यहाको नियम अनुसार जरिवान पनि तिर्नु पर्यो । जब बालकराम लोधले छोरालाई भेटे नयाँ छोरा पाए जसरी खुसि व्यक्त गरे । छोरासहित हसिलो मुहारका साथ घर फर्कदै छन् ।
उनले भने साँच्चै मैले मेरो जनप्रतिनिधि पाए । यो खुसीको सम्भव बर्दियालि बासिन्दाको दुःख र पीडालाई काधँमा राख्दै आफ्नो पिडा सम्झेर हेरेकको आसु पुछ्ने माननीय सासंद बिमला बि.क. को करिब १ महिना लामो निरन्तर प्रयासबाट मात्र सम्भब भएको हो । उनले भने माननीय ज्यू साँच्चै जनताको प्रतिनिधि हो । म आत्मादेखी नमन गर्छु ।
