सिके राउतले राष्ट्र विखण्डनकै गीत गाएको रावलको दाबी, राष्ट्रिय गान गाएको प्रमाण दिन चुनाैति

 

नेपाल कम्युनिष्ट पार्टी  नेकपाका नेता भीम रावलले सिके राउतले पार्टीको बैठकमा राष्ट्र विखण्डनकै गीत गाएको दाबी गरेका छन । सोमबार राति एपीवान टेलिभिजनका टिकाराम यात्रीसँगको अन्तर्वार्तामा नेता रावलले सिकेको पार्टीको बैठकको सुरूवात राष्ट्र विखण्डन गर्ने गीतबाट सुरू भएको बताए ।

उनले सिकेको बैठकमा राष्ट्रिय गान गाएको भन्ने प्रमाण दिन चुनौति दिए । आफू गृह मन्त्रालयको सफल नेतृत्व गरिसेको व्यक्ति भएको बताउँदै नेता रावलले सिके र उनका गतिबिधि झनै शंकास्पद हुँदै गएको बताए । सिकेको बैठकमा गाइएको बिखण्डनको गीतको भिडियो नै आफूले प्राप्त गरेको भन्दै नेता रावलले सिकेको बैठकमा गाइएको भनिएको राष्ट्रिय गानको भिडियो सार्वजनिक गर्न चुनौति दिए ।

 

तथ्यमा आधारित भएर तर्क गर्ने नेता रावलको यस दाबीले सरकार र सिके बीचको सम्बन्धमा अनेकौँ प्रश्न चिन्हहरू देखिएका छन । सिकेको बैठक राष्ट्रिय गानबाट सुरू गरिएको भन्दै गोयबल्स शैलीमा मिडिया र सामाजिक सञ्जालमा प्रचार गरिएको थियो । रावलले पछिल्लो समय सरकारको गलत कामको खबरदारी गर्दे अाएका छन ।