विप्लवलाई लिएर रक्षामन्त्री पोखरेलले दिए यस्तो डरलाग्दो बयान !
पछिल्ला दिनहरुमा लगतार बढ्दै गएको राजनीतिक परिवर्तनले गर्दा देशको द्धन्दको खत्तरा देखिएको छ ।
सरकारद्धारा प्रतिबन्धित नेत्रविक्रम चन्द ‘विप्लव’ समुहसँग वार्ता गर्न सरकारलाई दवाव बढिरहेका बेला सरकारका रक्षामन्त्री इश्वर पोखरेलले विप्लवसँग अहिले वार्ताको कुनै सम्भावना नभएको स्पष्ट पार्नु भएको छ ।
उहाँले विप्लव समूहले हतियार बोक्ने र बम पड्काउने जस्ता काम जारी राखेकाले तत्काल वार्ताको सम्भावना नरहेको स्पष्ट पार्नुभएको हो ।
आज विराटनगर बिमास्थलमा सञ्चारकर्मीहरुसँग कुरा गर्दै मन्त्री पोखरेलले विप्लव माओवादीले हतियार विसाएको खण्डमा भने वार्ता गर्न सरकार सकारात्मक हुने जानकारी दिनु भएको छ ।
सञ्चारकर्मीसँगको कुराकानीमा मन्त्री पोखरेलले भन्नुभयो, ‘वार्ताको सम्भावना त्यो समयमा रहन्छ, जब हतियार बिसाएर विप्लव समूह आउँछ, विप्लव समूह हतियार बिसाएर आए वार्ता गर्न सरकार तयार छ ।’
यो भन्दा पहिले सरकारका प्रवता तथा सुचना तथा सञ्चारमन्त्री गोकुल बास्कोटाले पनि सरकार वार्ताको लागि तयार भएको तर विप्लव सच्चिएर आउँनुपर्ने बताउँनु भएको थियो ।
विप्लव समूहले बम पड्काउने, मान्छे मार्ने जस्ता अनुचित काम गरेकाले सरकारले प्रतिवन्ध लगाउनु परेको पनि उहाँले स्पष्ट पार्नु भएको छ ।
विप्लवका गतिविधि राजनीतिक नभएको बताउँदै सरकारले कुनै राजनीतिक पार्टी र दललाई निषेध गर्न भने नखोजेको उहाँले जनाउँनु भएको छ । सरकारले थालेको अभियानमा पछिल्ला केही दिनहरुमा विप्लवका ठुला नेता तथा कार्यकता धमाधम पक्राउ पर्न थालेका छन् ।
