विदेशीएकाका श्रीमतीलाई फेसबुक चलाउन बन्देज, कारण यस्तो छ

हाम्रो इकोनोमि

 

 

सामाजिक सञ्जाल प्रयोग गर्न जान्यो भने असाध्यै फाईदापनि हुन्छ जानेन भने बर्बाद हुन्छ । लमजुङको क्व्होलासोंथर गाउँपालिका १ कपुरगाउँकी कृपा विकलाई अरुले जस्तै सामाजिक सञ्जाल (फेसबुक) चलाउने रहर छ ।

 

फेसबुकमा के हुँदो रहेछ भन्ने उहाँलाई चासो पनि उत्तिकै छ । तर, परिवारबाटै फेसबुक चलाउन रोक लगाएको छ । परिवारको कुरा काट्न नसकेपछि उहाँले फेसबुक चलाउनुभएको छैन । ‘सबैले फेसबुकको कुरा गर्छन् । चलाउँछन् । मलाई पनि चलाउन त मन छ नि । तर, के गर्नु परिवारको कुरा नमानौं पनि कसरी’ उहाँले भन्नुभयो, ‘इमो चलाउने गरेको छु ।

 

विदेशमा रहेको श्रीमानलाई यसैबाट भिडियो कल गर्छु । म्यासेज पठाउँछु ।’ १९ महिनाअघि कामको सिलसिलामा दुबईमा गएका श्रीमान फूलबहादुरको इच्छा अनुसार फेसबुक नचलाएको उहाँले बताउनुभयो । ‘खोई किन हो ।

 

फेसबुक चलाउँछु भन्न खोज्दा करा उनु हुन्छ । किन चलाउनुप¥यो भन्नुहुन्छ’ कक्षा ८ सम्म अध्ययन गर्नुभएका कृपाले भन्नुभयो, ‘आफ्नो श्रीमानले भनेको मान्नै प¥यो । फेसबुकमा देशभरका गतिविधि थाहा पाउँछन् भनिन्छ । मलाई पनि कुरा बुझ्न मन छ । म बुहारी भएकै कारण चलाउन पाउँदिन ।’

 

कपुरगाउँमा छोरीलाई फेसबुक चलाउन खुल्ला गरेपनि बुहारीले भने चलाउन पाएका छैनन् । फेसबुक चलाएर ज्ञानका कुरा सिक्ने र हेर्ने रहर बोकेका उक्त गाउँका बुहारीले आफ्नो इच्छा मनभित्रै लुकाएका छन् । गाउँकै आइतकुमारी विकले पनि फेसबुक चलाउनु हुन्न । गाउँमा रहेका अन्य दिदीबहिनीको फेसबुक हेरेर बस्ने गरेको उहाँले बताउनुभयो ।

 

‘७ कक्षा पढेको छु । मोबाइल चलाउन आउँछ । अक्षर चिनेको छु । फेसबुक पनि चलाउँकी जस्तो लाग्छ’ उहाँले भन्नुभयो, ‘श्रीमानले चलाउन दिनुहुन्न । फेसबुक कस्तो हुन्छ भनेर अरुको मोबाइलमा हेर्ने गरेको छु । चित्त बुझाएको छु ।’ एकबर्षअघि साउदी गएका श्रीमान धीरबहादुर विकले इमो चलाएपनि फेसबुक नचलाउ भन्ने गरेको उहाँले बताउनुभयो ।

 

गाउँकै उमा विकको श्रीमान दिपेश साउदी गएको २ महिना भयो । श्रीमानसंग कुराकानीका लागि मोबाइल लिनुभएको छ । उहाँले पनि अरु बुहारीले जस्तै इमोमा कुराकानी गर्नुहुन्छ । ‘यो गाउँका कुनैपनि बुहारीले फेसबुक चलाउँदैनन् । मैले मात्र के चलाउनु जस्तो छ । उहाँले भन्नुभयो, ‘फेसबुककै कारण कति महिला विग्रिएको सुनेका छौं । त्यसैले पनि हामीलाई चलाउन नदिनु भएको होला । बुढाले भनेको मान्नै प¥यो ।’

 

गाउँकी स्वास्थ्य स्वयंसेविका विष्णुमाया गुरुङका अनुसार कपुरगाउँका घरपिच्छे जस्तो युवा विदेश गएका छन् । कतिका श्रीमती बजार झरेका छन् । कति गाउँमै छन् ।सबैको हात–हातमा मोबाइल भएपनि सामाजिक सञ्जाल (फेसबुक) कसैले चलाउन पाउँदैनन्। कति लाई सासुससुरा त, कतिलाई श्रीमानले रोक्ने गरेको छ ।

 

उहाँले भन्नुभयो–‘पढेलेखेका त चलाउँदैनन् । नपढेकाले कहाँबाट चलाउनु । फेसबुकले विकृति ल्यायो भनेर पनि होला श्रीमानहरुले चलाउन दिएका छैनन् ।’ बजार झरेका श्रीमतीहरु फेसबुकबाटै मायामा परी परिवारलाई विचल्ली पार्ने खबर आइरहेकाले श्रीमानले रोक लगाएको हुन सक्ने उहाँले बताउनुभयो । देशको खबरबाट