नुवाकोटकी बाटुली लामिछाने विश्वकै जेष्ठ नागरिक, बाटुली आमाको आज जन्मदिन
नुवाकोट शिवपुरीकी बाटुली लामिछाने विश्वकै ज्येष्ठ नागरिक बन्न सफल भएकी छिन् । नुवाकोटको शिवपुरी गाउँपालिका, वडा नम्बर–८ की बाटुली आज आइतबारदेखि १ सय १७ वर्षमा प्रवेश गरेकी छिन् । १ सय १७ बर्ष भएकी बाटुली आमालाई जन्मदिनको शुभकामना दिनेहरुको भीड लाग्न थालेको छ ।
विश्वकै ज्येष्ठ नागरिक बन्न सफल र आजै जन्मदिन परेका कारण बधाई दिनेहरु शनिबारदेखि नै उनको घरमा ताँती लागेका छन् । राष्ट्रिय ज्येष्ठ नागरिक कोषले शनिबार नै उनको घरमा पुगेर अभिनन्दन गरेको छ । कोषका अध्यक्ष रामकृष्ण कर्माचार्यको नेतृत्वमा गएको कोषको टोलीले बाटुली लामिछानेलाई केही आर्थिक सहयोग पनि प्रदान गरेको थियो ।
