अभिनेत्री करिश्मा मानन्धरलाई डा. भट्टराईले फोनमा के भने ?
आफ्नो पार्टीकी केन्द्रीय परिषद् सदस्य अभिनेत्री करिश्मा मानन्धरलाई आइतबार विहान संयोजक डा. बाबुराम भट्टराईले टेलिफोन गरी परिक्षा राम्रो गर्न शुभकामना दिएका छन् ।
राजनीतिक अभियान र फिल्मी क्षेत्रसहित विभिन्न सार्वजनिक कार्यक्रममा पनि नगई आइतबारदेखि सुरु भएको माध्यमिक शिक्षा परिक्षा (एसईई)को तयारी गरेकी उनलाई भट्टराईले सफल मान्छे बन्न उमेरले नछेक्ने पनि भनेका थिए ।करिश्मा डिल्लिबजारको विजय स्मारक मावि केन्द्रबाट परिक्षा दिइरहेकी छन् ।
उनले देशैभरका विद्यार्थी र सहपरिक्षार्थीलाई सफलताको शुभकामना दिएकी छन् ।
एसईई परिक्षा दिन यसरी पुगिन् करिश्मा मानन्धर
नेपाली चलचित्र क्षेत्रमा दशकौं राज गरेकी नायिका तथा नेतृ करिश्मा मानन्धर एसईईमा सहभागि हुनु भएको छ ।
आजबाट सुरू भएको माध्यमिक शिक्षा परीक्षा(एसईई)मा नायिका करिश्मा मानन्धर पनि सहभागी हुनु भएको हो ।
उहाँ विजय स्मारक मावि डिल्लीबजार केन्द्रबाट परीक्षामा सहभागी हुनु भएको छ ।
परीक्षा दिनका लागि मानन्धर आफैं बा९च ४२६ नम्बरको कार चलाएरर परीक्षा केन्द्र पुग्नु भएको हो ।
४५ वर्षीया मानन्धरले कक्षा ८ देखि काठमाडौं मैतीदेवीस्थित त्रिवेणी माविको नियमित विद्यार्थी भएर पढ्नु भएको छ ।
नयाँ शक्ति पार्टीकी नेतृ समेत रहेकी करिष्मालाई नयाँ शक्ति पार्टीका संयोजक डा.बाबुराम भट्टराईले पनि फोन गरेका शुभकामना दिनु भएको छ ।
यो वर्षको एसईई परीक्षामा देशभरबाट ४ लाख ७५ हजार परीक्षार्थी सहभागी भएका छन् ।
