भरतमोहन अधिकारीको अहिलेको अवस्था, म जिउँदै छु, मरेको छैन

 

भरतमोहन अधिकारीको अहिलेको अवस्था नाजुक भएपनि मरेका भने छैनन् । उनलाई अहिले यसो भन्न सकिन्छ म जिउँदै छु,मरेको छैन ।
पूर्व अर्थमन्त्री भरतमोहन अधिकारीको उपचारमा चिकित्सकहरु अझैं प्रयासरत् छन्  फेसबुकेहरु श्रद्धाञ्जली दिन दौडादौड भएपछि भरतमोहन अधिकारीलाई म जिउँदै छु,मरेको छैन भन्नपर्ने भएको छ ।

 

सत्तारुढ नेपाल कम्युनिष्ट पार्टीका बरिष्ठ नेता भरतमोहन अधिकारीको स्वास्थ्य अवस्था अत्यन्तै कमजोर बनेको छ । अधिकारीलाई बचाउने सम्भावना न्यून रहेको उनी उपचाररत धुम्बाराहीस्थित ह्याम्स अस्पतालले जनाएको छ ।

अस्पतालका मेडिकल डाइरेक्टर डा भाष्करराज पन्त र क्रिटिकल केयर सेन्टरका निर्देशक डा हेमराज पनेरुले अधिकारीको स्वास्थ्य अवस्था नाजुक भएको बताए ।

शनिबार अपरान्ह अस्पतालमा पत्रकार सम्मेलन गर्दै उनले भने, ‘नेता अधिकारीको स्वास्थ्य अत्यन्त क्रिटिकल छ । उहाँ बाँच्ने सम्भावना न्यून छ।’

अधिकारीको स्वास्थ्य अवस्था निकै नाजुक भएपछि उनलाई राखिएको अस्पतालमा उनका परिवारका सदस्य र नेकपाका नेता–कार्यकर्ताहरु पुगेका थिए ।