अब सरकारी कर्मचारीले आफ्ना सन्तान सरकारी विद्यालयमै पढाउनुपर्ने बाध्यकारी नियम
पछिल्ला दिनहरुमा सरकारी स्कुलमा सेवा गरेर निजी विद्यालयमा छोराछोरी पढाउने प्रचलन बढ्दै गएको छ ।
अब सरकारले आगामी शैक्षिक सत्रदेखि सार्वजनिक कोषबाट तलब खाने, सार्वजनिक पदमा बहाल रहेका आफ्ना छोराछोरीलाई सार्वजनिक विद्यालयमा पढाउनुपर्ने व्यवस्था गर्न लागेको छ ।
यो भए पछि सरकारी विद्यालय र निजी विद्यालयका बिचमा तुलनात्मक रुपमा भइरहेको फरकमा प्रभाव पर्न सक्ने जानकारहरु बताउँछन् ।
शिक्षा, विज्ञान तथा प्रविधि मन्त्रालयले तयार गरेको राष्ट्रिय शिक्षा ऐनको दफा १७९ को उपदफा १ मा नेपाल सरकारले नेपाल राजपत्रमा सूचना प्रकाशन गरेको मितिदेखि सार्वजनिक कोषबाट तलब, भत्ता खाने गरी सार्वजनिक पदमा बहाल रहेका राष्ट्रसेवकले आफ्ना छोराछोरीहरूलाई सार्वजनिक विद्यालयमा पढाउने व्यवस्था गर्न सक्नेछ भनी उल्लेख गरिएको छ ।
सो व्यवस्था लागू भएपछि सरकारी कोषबाट तलब खाने सबैका छोराछोरीलाई माध्यमिक तहसम्मको शिक्षा सार्वजनिक विद्यालयमै दिनुपर्ने छ ।
