अष्ट्रेलिया पुगेपछि ‘नेपाल आइडल’ रविले लेखे मार्मिक कुरा
नेपाल आइडल सिजन–२ का विजेता रवि ओड अहिले अष्ट्रेलिया भ्रमणमा छन् । उनी त्यहाँका विभिन्न शहरमा अष्ट्रेलियामा बस्दै आएका नेपालीसँग रमाइरहेका छन् ।
रवि आइडल घोषित भएपछि दैनिकी निकै फेरिएको छ । कामको चापले उनी फूर्सद नै निकाल्न पाएका छैनन् । तर, अष्ट्रेलियामा भने आफूलाई व्यस्त राख्दै रमाइरहेका पनि छन् ।
रविसँगै आइडलका अन्य प्रतिस्पर्धी पनि रविसँगै अष्ट्रेलियामा छन् । त्यहाँ उनीहरु घुमघामसँगै कार्यक्रममा व्यस्त छन् । यसैबीच, नेपाल आइडल रविले अष्ट्रेलिया पुगेपछि मार्मिक कुरा आफ्नो पेजमा पोस्ट गरेका छन् । उनले भनेका छन्, ‘समयले हैन भोकले बताउने गर्छ कुन बेला खाना खाने हो भनेर, किनभने गरिबको घरमा ‘डिनर’ ‘ब्रेकर्फाट’ र ‘लन्च’ को चलन हुँदैन ।’
