डिभोर्सी महिला देखि धनाढ्यकी श्रीमति सहित पाँच सय महिलासँग शारीरिक सम्बन्ध राखेका रविन प्रहरी फन्दामा
लोकदोहोरी गीत गाउन जान्ने, हट्टकट्टा जिउडाल भएका रविन कुमार चिमरिया मंसिर १ गते नेपालगञ्ज पुगेका थिए । मस्तीमा रमाउन बानी परेका चिमरिया नेपालगञ्जको एक दोहोरी साँझमा छिर्छन् । त्यहाँ एक अधवैंशे महिला सँग उनको भेट हुन्छ । बासिका (नाम परिवर्तन)सँग नम्बर साटासाट गर्छन् । पहिलो भेटमै बासिकालाई उनले आफू अष्ट्रेलियामा बस्ने र नेपालगञ्जका शिक्षकहरुलाई त्यहाँको शिक्षा विधि सिकाउन आएको बताउँछन् । दोहोरी साँझमा चिमरियाले बासिका लठ्याउने स्वरमा दोहोरी गाए ।
उनी चिमरीयासँग लठ्ठै भइन् । उनले पहिलो भेटमै रविनसँग आफ्नो इति वृतान्त सुनाइन् । अन्तमा रविनलाई भनिन्, ‘तपाई त्यति ठुलो मान्छे नेपालगञ्जको सबैभन्दा राम्रो होटलमा बस्नुस् ।’ बासिकाले नै होटल खोजेर राखिदिइन् । दोस्रो दिन बासिका पनि त्यही होटलमा बस्न पुगिन् । करिब एक साता नेपालगञ्ज बसाईमा रविनले बासिकाको मन जित्न सफल भए । नेपालमा अष्ट्रेलियन स्कुलहरुको शाखा खोल्ने भन्दै बासिकासँग १७ लाख लिएर नेपालगञ्ज विमानस्थलबाट काठमाडौं उडे । बासिका डिभोर्सी हुन् । मंसिर १ गते रविन पसेको दोहोरी उनकै थियो ।
अष्ट्रेलियन स्कुलको शाखा खोल्ने, विवाह गर्ने आश्वासन पाएपछि उनले दोहोरी साँझ नै बेचेर सबै पैसा रविनलाई सुम्पेकी थिइन् । तर, १७ लाख लिएर आश्वासनसहित जहाज चढेका रविन सम्पर्कबिहीन भए । अनि बासिका ठगीको जाहेरी बोकेर महानगरीय अप राध महाशाखा काठमाडौंमा आइपुगिन् ।
बासिकासहित अन्य तीन जना अधवैंशे महिलाको जाहेरीपछि महानगरीय अपराध महाशाखाले पाँचथर फलैंचा गाउँपालिका–४ स्थायी घर भएका रविन कुमार चिमरियालाई पक्राउ गरेको छ । ३७ वर्षीय चिमरियालाई जबर्जस्ती करणी तथा ठगी मुद्दामा म्याद लिएर अनुसन्धान भइरहेको महानगरीय अपराध महाशाखाका प्रमुख (एसएसपी) धिरज प्रताप सिंहले जानकारी दिए ।
ग्राहक नम्बर – २ : नक्सालास्थित थकाली रेष्टुरेण्टमा पुष्पा (नाम परिवर्तन)सँग रविनको भेट हुन्छ । पुष्पाको श्रीमान दक्षिण कोरियामा छन् । रेष्टुरेण्टमा खाने, हिड्ने पुष्पाको ग्रुप नै छ । खाना खाने क्रममा आँखा जुधेपछि रविनले पुष्पालाई लामो समय उपभोग गरे, त्यो पनि पैसा लिएर । श्रीमान विदेश भएका, डिभोर्सी महिलाहरु र श्रीमानको मृत्यु भएकालाई निशाना बनाउने चिमरियाले अनेक बहानामा पुष्पासँग ८० लाख लिए । फरक महिलालाई फरक फरक पेसा बताउने रविनले पुष्पालाई आफू बेलायतको चर्चित व्या पारी र एनआरएनको सदस्य भएको बताएका थिए ।
अनुसन्धानमा काठमाडौंको स्वयम्भु बस्ने ३७ वर्षीय चिमोरिया जिगोलो अर्थात पुरुष वेश्या भएको प्रहरी अनुसन्धानबाट खुलेको छ । उनको बारे अनुसन्धान गरिरहेका एक प्रहरी अधिकृत भन्छन्, ‘अहिलेसम्म उसले पाँच सय महिलासँग शारीरिक सम्पर्क गरिसकेको हामीसँगको बयानमा स्वीकारेका छन् ।’टिप–टप ड्रेसअपमा हिँड्ने चिमरिया काठमाडौंका डिस्को र डान्सबारमा लगातार जान्छन् । मोजमस्ती उनको शौक हो । उनी श्रीमान स्वदेशमै भएर पनि रात्री क्लबहरुमा गएर खाने पिउने अधवैंशे महिलाहरुलाई साथ दिने गरेको प्रहरी अनुसन्धानबाट खुलेको छ ।
‘केटीहरुको ग्रुपसँगै खाने पिउने उनको शोख रहेछ’ अपराध महाशाखाका प्रमुख (एसएसपी) सिंह भन्छन्, ‘महिलाहरुसँग मोजमस्ती गर्ने पैसा पनि लिने गरेको प्रारम्भिक अनुसन्धानबाट खुलेको छ, थप अनुसन्धान भइरहेको छ ।’ प्रहरीका अनुसार सात जना एकल महिलालाई विवाह गर्छु भनेर लाखौं ठगेको भन्दै प्रहरीको सम्पर्कमा पुगिसकेको छ ।
चिमरिया एकदिन काठमाडौंको एउटा डान्सबारमा पुग्छन् । स्मार्ट ड्रेसअपमा त्यहाँ पुगेका उनी र डान्सबारमा नाच्ने एक नर्तकीसँग हिमचिम हुन्छ । उमेरले २०–२५ पुगेकी डान्सर युवतीलाई उनले आफू बेलायती लाहुरे भएको र विवाह गरेर उनलाई पनि बेलायत लैजाने आश्वासन दिन्छन् ।
अनि तीन महिला डान्सरकै फ्ल्याटमा बस्छन्, डान्सरसँग भएको सबै पैसा लिएपछि उनी सम्पर्कबिहीन हुन्छन् । ८ वर्षअघि विवाह गरेका चिमरियाको तत्काल सम्बन्ध विच्छेद भएको बताइएको छ । पछिल्लो समय स्वयम्भुमा बस्दै आएका उनको लामो समयदेखि पेसा व्यावसाय छैन् । एकल र पैसा भएका महिलालाई टार्गेट गरेर मोजमस्ती गर्ने अनि, पैसा लिएर हिँड्ने चिमरियाले धेरैलाई अष्ट्रेलियन स्कुलको शाखा नेपाल ल्याउने र त्यसका लागि नेपालका मुख्य शहरमा रहेको स्कुल अनुगमन गर्न आएको भन्दै प्रभावमा पार्ने गरेका थिए ।
सामान्य ८ कक्षासम्मको शिक्षा लिएका चिमरिया बारे बलात्कार, ठगी र जबर्जस्ती चोरी मुद्दामा अनुसन्धान भइरहेको प्रहरीले जनाएको छ । पीडितको जाहेरीपछि पुस २६ गते पक्राउ परेका चिमरियालाई करिब ५ महिनाअघि प्रहरीको केन्द्रीय अनुसन्धान ब्युरोले ठगी मुद्दा चलाएको थियो । उनीविरुद्ध एक महिलाले इलाका प्रहरी कार्यालय धरानमा समेत ठगी मुद्दा दायर गरेकी छन् ।
