ट्याम्पु चालिका स्वस्तिमाको वरिपरी ‘बुलबुल’ ट्रेलर
फागुन ३ गतेबाट प्रदर्शनको तयारी सहित चलचित्र ‘बुलबुल’को ट्रेलर सार्वजनिक गरिएको छ ।
सार्वजनिक ट्रेलरमा ट्याम्पु चालिकाको भूमिकामा रहेकी नायिका स्वस्तिमा खड्काको जीवनका उतार चडाव देखाइएको छ ।
विनोद पौडेलले निर्देशित चलचित्रमा स्वस्तिमाको अलावा मुकुन भुषाल , बुद्धि तामाङ, लक्ष्मी बर्देवा, उज्ज्ल अधिकारी, दीपक क्षेत्री, जोयस पाण्डे, एलिना कार्की लगायतको मुख्य भूमिका रहेको छ।
सुसन प्रजापतिको छायाङ्कन रहेको चलचित्रलाई विनोद पौडेलले लेखेका हुन् ।
चलचित्रमा पुरुषोत्तम पाण्डे, अविरल थापा, भीम थापा र राजु पौडेलको सन्युक्त लगानी रहेको छ ।
रामराजा दाहाल चलचित्रका कार्यकारी निर्माता हुन् ।
