अन्डरवर्ल्ड डनकी गर्लफ्रेण्ड मोनिका, जसले अक्सफोर्डको अध्ययन सकिन (तस्विरहरु)
मोनिका बेदी बलिउडकी सुपरस्टार अभिनेत्री हुन् । दर्जनौ कहानीमा उनले अभिनय गरेकी छिन् । तर उनको आफ्नै जिन्दगी भने कुनै धमाकेदार फिल्मको कहानीभन्दा कमजोर छैन ।
१८ जनवरी १०७५ मा पंजाबको होशियारपुरमा जन्मिएकी मोनिका केही समयदेखि फिल्म दुनियाँबाट बाहिर छिन् ।
अन्डरवर्ल्ड डन अबू सलेमकी गर्लफ्रेण्डका रुपमा भने उनी अहिले पनि चर्तित छन् । उनको जिन्दगीको कहानी डनको प्रेमिकामा मात्र सिमित छैन ।
उनका पिता पेसाले डाक्टर थिए । अन्डरवर्ल्डसँग सम्बन्ध भएका कारण परिवार र समाजमा निकै तनाव भएपछि आमा र बाबु नर्वेमा बस्न थाले ।
त्यसपछि मोनिका लगतै अक्सफोर्ड यूनिभर्सिटिमा साहित्य पढ्न गएकी थिइन ।
अक्सफोर्डमा पढ्न गएपछि उनले मुम्बईलाई केही समयका लागि छोडेकी थिइन । तेलुगु फिल्म ताजमहलबाट आफ्नो क्यारियर सुरु गरेकी मोनिका फिल्म क्षेत्रमा मात्र अडिन सकिनन् ।
फिल्म क्षेत्रमा क्यारियर खोजिरहेका बेला उनको दोस्ती अन्डरवर्ल्ड डन अबू सलेमसँग भएको थियो । दोस्ती विस्तारै प्रेममा परिणत भएको थियो । डन अबूकै कारण उलने कतिपय बलिउडका फिल्ममा काम गर्ने मौका पनि पाएकी थिइन । अपराध दुनियाँसँग साइनो रहेको भन्दै उनी सधै निगरानीमा परिरहेकी छिन् ।
सन् २००२ मा उनी ब्वायप्रेण्ड अबूसँगै गिरफ्तार भएकी थिइन । त्यसपछि उनी साहित्य पढ्न अक्सफोर्ड पुगेको भारतीय सञ्चारमाध्यमहरुले बताएका छन् । डन अबूसँगको भेटका बारेमा उनले सन् २०१४ को एक अन्र्तवार्तामा दिएकी थिइन । -अबूसँग मेरो फोनमा पहिलो पटक सम्पर्क भएको थियो । त्यसबेला म दुवईमा थिएँ । उनले फोनमा बिजनेश मेनका रुपमा परिचय दिएका थिए,-मोनिकाले अन्तर्वातामा भनेकी छिन् । अबूको आवाजमै मैले प्रेम गर्न थालेकी थिएँ । ९ महिनासम्म फोनमा कुरा गरेपछि अबूलाई भेट्न दुवई गएको बताएकी थिइन । त्यहँ पुगेपछि अबूले आफ्नो असली नाम बताएक थिए । त्यस बेलासम्म आफुलाई अबू को हो भन्ने थाहा नभएको बताएकी थिइन ।
मोनिकाले अबूकै कारण जेलको जीवन पनि विताएकी थिइन । जेलबाट छुटेपछि उनी गुमनाम जिन्दगी बिताइरहेकी थिइन । त्यही बेला उनी बिग बोसमा नजर आएकी थिइन । त्यहाँ उनले एकदम विनम्र स्वभावसहित फरक शैलीमा देखा परेकी थिइन । जसले फेरी उनलाई उचाइमा उठाएको थियो ।
