युवकले आइफोन किन्ने लोभले मृगौला बेचे, तर थाहा थिएन यस्तो दिन पनि आउनेछ
आइफोन किन्ने रहर धेरैलाई हुन्छ । मोवाइल फोनको क्रेज बढिरहेको बेला महंगो आइफोन बोक्ने रहरने एक युवकको जिन्दगी नै खतरामा परेको छ ।
अहिले उनी जिन्दगीको लागि संघर्ष गरिरहेका छन् । यी युवक चीनका हुन् जसले
केही वर्ष अगाडि आइफोन किन्नको लागि आफ्नो एउटा मृगौला बेचेका थिए ।
त्यतिबेला उनलाई लागेको थियो कि एउटा मृगौलाले काम चल्छ भने अर्को किन चाहियो ?
तर, उनको यो गल्तीको सजाय उनले अहिले भोगिरहेका छन् ।
अहिले उनको अर्को मृगौलाले पनि काम गर्न छाडेको छ ।
चीनको एन्हुइ प्रान्तका २५ वर्षका वांग शांगकुन अहिले अस्पतालमा जिन्दगीको लागि संघर्ष गरिरहेका छन् ।
उनको एकमात्र मृगौलाले काम गर्न बन्द गरेको छ र उनी डायलासिसको सहारामा बाँचिरहेका छन् ।
उनको यो हालतको जिम्मेवार उनी स्वयं हुन् ।
२०१ मा त्यतिबेलाको सबैभन्दा पछिल्लो आइफोन किन्नको लागि वांगले आफ्नो एक मृगौला २५ हजार युआन (करिब ४ लाख नेपाली रुपैयाँ)मा बेचेका थिए ।
निकै गरिब परिवारका वांग आइफोन लिएर साथीहरुको अगाडि शान देखाउन चाहन्थे ।
मृगौला बेचेर आएको पैसाले उनले आइफोन ४ र आइप्याड २ किनेका थिए ।
उनले गैरकानुनी रुपमा ब्ल्याक मार्केटमा आफ्नो मृगौला बेचेका थिए ।
चीनिया मिडियाका अनुसार दोस्रो मृगौला फेल भएपछि उनी अस्पतालमा भनाइ भएका छन् ।
पहिलो मृगौला निकाल्ने क्रममा भएको संक्रमणका कारण उनको अर्को मृगौला पनि खराब भएको डाक्टरहरुले बताएका छन् ।
पहिलो मृगौला निकालेपछि सर्जरीको क्रममा डाक्टरले लापरवाही गरे जसका कारण उनको अर्को मृगौला संक्रमित भएको बताइएको छ ।
यो घटना सार्वजनिक भएपछि गैरकानुनी रुपमा उनको मृगौला निकालेको आरोपमा प्रहरीले ९ जनालाई पक्राउ गरेको छ ।
