दु:खद खबर : गोरखामा बसले ठक्कर दिदा ३ बर्षीय बालकको मृत्यु
बसको ठक्करबाट आरुघाट गाउँपालिका–९ वगैचामा बुधवार एक बालकको मृत्यु भएको छ ।
सोतीबाट काठमाडौ जाँदै गरेको ना ७ ख ७२६६ नम्बरको बसको ठक्करबाट धादिङ घर भई हाल आरुघाट बस्दै आएका तीन बर्षीय आरब अधिकारीको मृत्यु भएको प्रहरीले जानकारी दिएको छ ।
‘बच्चा बाटोमा खेल्दै रहेछ, बच्चा लडेपछि मान्छेहरु कराएछन्,’ स्थानीयको भनाइ उदृत गर्दै जिल्ला ट्राफिक प्रमुख दयाराम पौडेलले भने, ‘मान्छे कराएको सुनेर ड्राइभर स्टेरिङ छाडेर भागेछ, त्यही बेला बस पछाडि हटेर बच्चालाई किचेछ ।’
घाइते अधिकारीको प्राथमिक स्वास्थ्य केन्द्र आरुघाटमा उपचारको क्रममा मृत्यु भएको उनले बताए । सवारी र सवारी चालकलाई प्रहरीले नियन्त्रणमा लिएको छ ।
र याे पनि गैँडाको आक्रमणबाट चार महिला घाइते
गैँडाको आक्रमणबाट शुक्लाफाँटा राष्ट्रिय निकुञ्जमा आज खर काट्न गएका बेलडाँडी गाउँपालिका–२ का चार महिला घाइते भएका छन् ।
गैँडाको आक्रमणबाट बेलडाँडी गाउँपालिका–२ का ३७ वर्षीया सीता उपाध्याय, ६० वर्षीया दुर्गादेवी उपाध्याय, ३८ वर्षीया सरस्वती सावद र ३३ वर्षीया सुशीला उपाध्याय घाइते भएको कालिकिच उपभोक्ता समितिका अध्यक्ष भीमबहादुर थापाले जानकारी दिनुभयो ।
घाइतेलाई उपचारका लागि कैलालीको धनगढीतर्फ लगिएको छ । निकुञ्जको पूर्वी क्षेत्र अर्जुनीले आजदेखि तीन दिनका लागि खर कटाइ खुला गरेको छ ।
