विजनेस प्रोमोट गर्न तीन दिने तालिम सम्पन्न

 

काठमाडौं । उद्यमी महिलाहरुलाई प्रोत्साहन स्वरुप महिला उद्यमी महासंघ (एफविन) ले तिन दिने तालिम सम्पन्न गरेको छ । सोमबारबाट राजधानीमा सुरु गरेको कार्यक्रममा विभिन्न उद्यमी क्षेत्रमा आवद्ध महिला उद्यमीहरुको सहभागिता रेहेको थियो । पचास जनाभन्दा बढी सहभागिता रहेको तालिम बुधबार सम्पन्न भएको छ ।

 

उद्यमीहरुलाई सामाजिक सञ्जालबाट कसरी आफ्नो विजनेसलाई प्रोमोट गर्ने भन्नेमा आधारित रहेर तालिमको आयोजना गरिएको महिला उद्यमी महासंघकी कार्यक्रम व्यवस्थापक कोपिला डंगोलले बताइन् । त्यस्तै तालिम कार्यक्रममा बुटिक, ज्वेलरी, विज्ञापन एजेन्सी लगायतका क्षेत्रमा आवद्ध रहेका महिला उद्यमीहरुले यस तालिमले आफूहरुलाई बजारमा कसरी आफू अगाडि आउने भन्नेमा जानकारी भएको जनाएका थिए ।

 

त्यस्तै संघकी अध्यक्ष सारदा रिजालले आफू पनि सहभागी भएको तालिमले आफ्नो विजनेसलाई कसरी बजारमा लैजाने भन्ने कुरालाई राम्रोसँग बुझेको जानकारी दिइन् । उनले भिजिटिङ कार्ड, ब्रोसरलाई कसरी सामाजिक सञ्जालमा राख्ने र बजार विस्तार गर्ने कुरा सिक्दा आफू लगायत सबैलाई सहज भएको बताइन् । त्यस्तै तालिम प्रशिक्षक पाकिस्तानका नाभिद नुरले सामाजिक सञ्जालबाट बजार विस्तार गर्ने कुरा सिक्दा सिक्दै विस्तारै आफै जानिने बताए ।