पूर्वको मौसम : रातिबाट वर्षा जारी , इलामको उच्च पहाडमा हिमपात,चिसो बढ्यो

हाम्रो इकोनोमि

 

झापा सहित पूर्वमा रातिबाट वर्षा भइरहेको छ । सोमबारबाट पूर्वमा जाडो बढेको छ ।

बंगालको खाडीमा विकसित भएको सामुद्रिक चक्रवातका कारण नेपालमा यसको प्रभाव देखिएको छ । देशैभर चिसो बढेको मौसम पूर्वानुमान महाशाखाले जनाएको छ ।

यसको प्रभावले रातिदेखि नै मध्ये र पूर्वी भागमा वर्षा भएको मौसमविद समीर श्रेष्ठले जानकारी दिए ।

उनले सोमबार यसवर्षकै चिसो दिन मापन गरिएको बताए । बिराटनगरको न्यूनतम १२।५ डिग्री सेल्सियस , काठमाडौंमा न्यूनतम २।४ डिग्री सेल्सियस कायम गरिएको थियो भने जुम्लामा माइनस ६ डिग्रीसम्म पुगेको जानकारी दिए ।

भारतमा आएको सामूद्रिक चक्रवात फेथाईले नेपालमा पनि असर गरेको हो,” उनले भने,“आज बेलुकीदेखि यो क्रम कम हुँदै जानेछ । तर आकाशको बादल हटेपछि आजको भन्दा चिसो हुन सक्ने अनुमान छ ।”

नेपाल चक्रवातको घेराभन्दा निकै टाढा भए पनि जलवाष्पयुक्त बादलका कारण यसको असर नेपालभरि नै परेको छ । अहिले पनि पूर्वी क्षेत्रमा हल्का वर्षा जारी रहेको मौसम विभागले जनाएको छ ।

थप जानकारी तलको भिडियोबाट । भिडियो मनपरेमा Subscribe गर्न नभुल्नुहोला ।