बाँकेको कोहलपुर नजिक स्कूलबसले मोटरसाइकललाई ठक्कर दिंदा दुई जनाको मृत्यु
बांकेको बैजनाथ गाउंपालिका जि गाउँमा स्कूल बसले मोटरसाइकललाई ठक्कर दिंदा दुई जनाको मृत्यु भएको छ ।
मोटरसाइकलमा सवार दुई जनाको मृत्यु भएको हो ।
पूर्वपश्चिम राजमार्ग अन्र्तगत बाँकेको बैजनाथ गाउँपालिका—५ जि गाउँमा बाल ज्योती माध्यमिक विद्यालयको बसले मोटरसाइकललाई ठक्कर दिएको हो ।
बसको ठक्करवाट मोटरसाइकल चालक र मोटरसाइकलको पछाडी बस्ने सुर्खेत लेकबेसी नगरपालिका— १ का बिक्रम गहतराज र गुर्भाकोट— १२ का मदन सुनारको मृत्यु भएको इलाका प्रहरी कार्यालय कोहलपुरका प्रहरी निरिक्षक मानबहादुर बिसीले जानकारी दिए ।
कोहलपुरको सम्झानाचोक तर्फ गरेको बालज्योती स्कुलको बा १ क ४४९५ नम्बरको बस र बर्दियाको बाँसगढीबाट कोहलपुर आउँदै गरेको लु ४३ प ९५९९ नम्बरको मोटरसाईकल एक आपसमा ठोक्किएका हुन्।
दुर्घटनामा गम्भिर घाइते मोटरसाइकल चालक र यात्रुको उपचारको क्रममा कोहलपुर स्थित नेपालगन्ज मेडिकल कलेजमा मृत्यु भएको हो ।
मोटरसाइकलमा सवार मध्ये एक जना भारतीय सेनामा रहेको र उनीहरु ज्वाई जेठान भएको प्रारम्भिक सूचना प्राप्त भएको छ । फोटो समाजिक सञ्जाल
