महिला बलात्कारको बदला : महिलाले भिराए जुत्ताको माला
कैलालीमा बलात्कारको प्रयास गरेको आरोपमा महिलाहरुले एक पुरुषलाई सार्बजनिक रुपमा कालो मोसो दलेका छन् । श्रीमान बिदेशमा भएको मौका पारी स्थानिय एक महिलालाई बलात्कारको प्रयास गरेको भन्दै कैलाली गाउँपालिका वडा नम्वर १ , मझेरा टोलका टुक्की नाम गरेका कृष्ण चौधरीलाई महिलाहरुले कारवाही गरेका हुन् ।
चौधरीले २३ गते राती स्थानिय २३ बर्षिया सिता (नाम परिवर्तन )लाई बलात्कारको प्रयास गरेको र सिताले सो कुरा बाहिर ल्याएपछि स्थानिय महिलाहरु मिलेर चौधरीलाई कालोमोसो र जुत्ताको माला लगाइदिएका हुन् । साथै उनीहरुले पिडितलाई चौधरीले दुई लाख रुपैयाँ हर्जाना तिर्नुपर्ने माग राखेका छन् ।
यस सम्वन्धमा स्थानियवासी वालकृष्ण चौधरी भन्छन् –‘ कुरा सत्य हो ,कालोमोसो दलेर जुत्ताको माला लगाईएकै हो ।’ घटनाबारे प्रहरी प्रशासनलाई खासै उजुरी जानकारी दिइएको छैन जनस्तरबाटै कारर्वाही गरिएको हो ।
ईलाका प्रहरी कार्यालय हसुलियाका प्रहरी नायव निरीक्षक रामचन्द्र पन्थले ‘चौकीमा यस विषयमा जानकारी नआएको बताउँदै ‘यस्ता घटना यस भेगमा निकै घट्छन ,गाउँलेले आफै कानुन हातमा लिएर कारवाही गर्ने गर्दछन ‘भने ।
उनले घटना बाहिरीएसँगै आफुलाई थप कुरा बुझेर आबश्यक कदम चाल्न आदेश दिइएको निरीक्षक पन्थले बताए ।
