घरमै पार्किङ गरी राखिएको ओलीको मोटरसाईकलमा आगजनी
नेपालगन्जमा एक पत्रकारको मोटरसाइकलमा अज्ञात समुहले आगजनी गरेको छ ।
नागरिक दैनिकका नेपालगन्ज संवाददाता अर्जुन ओलीको घरमै पार्किङ गरी राखेको मोटरसाइकलमा अज्ञात समुहले आगजनी गरेको हो ।
नेपालगन्ज उपमहानगरपालिका वडा नम्बर १० भृकुटीनगरस्थित आफ्नै घरमा पार्किङ गरेर राखिएको भे २ प ८९१८ नम्बरको एमाहा कम्पनीको मोटरसाईकलमा सोमबार मध्यराती आगजनी भएको हो ।
राती करिव पौने १ बजेतिर मोटरसाईकलमा आगो बलिरहेको देखेपछि वरपरका छिमेकीको सहयोगमा आगो नियन्त्रणमा लिइएको थियो ।
घरको बरण्डासँगै रहेको च्यानल गेटभित्र ताला लगाएर पार्किङ गरिएको उक्त मोटरसाईकलको पछाडीको भागमा अज्ञात समूहले आगो लगाएको प्रहरीले जनाएको छ ।
